അമ്പലവയൽ പഞ്ചായത്തിലെ ഈയാം പാറ പുറ്റത്തോട് സംരക്ഷണ ഭാഗമായി നട്ടുവളർത്തിയ അപൂർവ്വ യിനം മുളകൾ

mediaworldlive news Kozhikode Kerala 

             അമ്പലവയൽ:                     

തോടിന്റെ സംരക്ഷണത്തിനായി നട്ട മുളകള്‍ക്ക് കാവല്‍ നില്‍ക്കകേണ്ട അവസ്ഥയാണ് ഇന്ന് 

ഇവിടെ നട്ടുവളർത്തിയ കൗതുകം നിറഞ്ഞ അപൂർവ ഇനം മുളകൾ വെട്ടി കടത്തുന്നതായി പരാതി പ്പെടുന്നു

പൊതുജന പങ്കാളിത്തത്തോടെ നട്ടു വളര്‍ത്തിയ മുളയാണ് തമിഴ്നാട്ടില്‍ നിന്നുള്ള സംഘം വെട്ടി കൊണ്ടുപോകുന്നത്.

തോടിന്റെ പാര്‍ശ്വഭിത്തി ഇടിയാതിരിക്കുന്നതിനും ജലസംരക്ഷണത്തിനുമായി വെച്ചുപിടിപ്പിച്ച വയനാടിന്റെ തനത് മുളയാണ് ആരുടെയും അനുമതിയില്ലാതെ വെട്ടി കടത്തുന്നത്. ഇത്തരം മുളവര്‍ഗങ്ങള്‍ നാശത്തിന്റെ വക്കിലാണ്.

തോടിന്റെ പാര്‍ശ്വഭിത്തി സംരക്ഷണത്തിനൊപ്പം തനത് മുളകളുടെ പരിപാലനവും ലക്ഷ്യം കണ്ടായിരുന്നു മുള വെച്ച്‌ പിടിപ്പിച്ചത്. മേപ്പാടിയിലെ സന്നദ്ധ സ്ഥാപനമായ ആര്‍ഷ ഭാരതത്തിന്റെ നേതൃത്വത്തിലാണ് സാമൂഹ്യ വനവത്ക്കരണ വിഭാഗത്തിന്റെ സഹായത്തോടെ പത്തുവര്‍ഷം മുന്‍പ് വിവിധതരം മുളകള്‍ ഈ പ്രദേശത്ത് നട്ട് പിടിപ്പിച്ചത്. ചന്ദനത്തിരിയുടെ സ്റ്റിക്ക് നിര്‍മിക്കുന്നതിനായാണ് സംഘം മുളകള്‍ വ്യാപകമായി വെട്ടി കടത്തുന്നത്. പ്രദേശവാസികള്‍ സോഷ്യല്‍ ഫോറസ്റ്റ്ട്രി വിഭാഗത്തില്‍ പരാതി നല്‍കി. മുള വ്യാപകമായി വെട്ടിക്കടത്തുന്നത്‌ തോടിന്റെ നാശത്തിനും ജലസംരക്ഷണ പ്രവര്‍ത്തിക്ക് തടസ്സമാകുന്നതിനും കാരണമാകുമെന്ന് ആര്‍ഷഭാരത് ഡയറക്ടര്‍ എം.എം അഗസ്റ്റിന്‍ പറഞ്ഞു. ഒരുകാലത്ത് മണല്‍വാരിയും വശം ഇടിഞ്ഞും നാശത്തെ നേരിട്ട തോടിന്റെ പുനര്‍ജീവനമാണ് മുളകള്‍ വച്ചു പിടിപ്പിച്ചതോടെ ഉണ്ടായത്. ഇതാണ് വ്യാപകമായി ഇപ്പോള്‍ നശിപ്പിക്കുന്നത്. കാരാപ്പുഴ പദ്ധതി പ്രദേശത്തും വിവിധ ഇനങ്ങളില്‍പ്പെട്ട മുളകള്‍ നട്ടു പരിപാലിച്ചു വരുന്നുണ്ട്. മുളകള്‍ വെട്ടി നശിപ്പിക്കുന്നവര്‍ക്കെതിരെ ശക്തമായ നടപടി സ്വീകരിക്കണമെന്നാണ് പരിസ്ഥിതി പ്രവര്‍ത്തകരും ആവശ്യപ്പെടുന്നത്.

മീഡിയ വേൾഡ് ലൈവ് ന്യൂസ് വയനാട്