mediaworldlive news Kozhikode
മലപ്പുറം:
സമസ്തയുടെ വിലയ്ക്കുണ്ടായതിനാൽ ഹക്കീം ഫൈസി
സി .ഐ .സി .പ്രസിഡന്റ് പാണക്കാട് സാദിഖലി ശിഹാബ് തങ്ങള്‍ക്ക് രാജിക്കത്ത് നൽകി. സമസ്തയുടെ കടുത്ത സമ്മര്‍ദ്ദത്തെത്തുടര്‍ന്ന് സാദിഖലി തങ്ങള്‍ ഇന്നലെ രാത്രി ഹക്കീം ഫൈസിയെ വിളിച്ചുവരുത്തി രാജി ആവശ്യപ്പെട്ടിരുന്നു.
പാണക്കാട് സാദിഖലി ശിഹാബ് തങ്ങളുമായി ഹക്കീം ഫൈസി നടത്തിയ കൂടിക്കാഴ്ചയില്‍ സമസ്‌ത നേതാക്കളും പങ്കെടുത്തു. പി കെ കുഞ്ഞാലിക്കുട്ടി, ആബിദ് ഹുസൈന്‍ എന്നിവരും കൂടിക്കാഴ്ചയില്‍ സന്നിഹിതരായിരുന്നു. വിലക്ക് മറികടന്ന് സാദിഖലി തങ്ങള്‍ ഹക്കീം ഫൈസിയുമായി കഴിഞ്ഞദിവസം വേദി പങ്കിട്ടതില്‍ സമസ്‌ത അതൃപ്തി രേഖപ്പെടുത്തിയിരുന്നു.
ഹക്കീം ഫൈസിയെ ബഹിഷ്കരിക്കണമെന്ന് സമസ്‌ത യുവജന വിദ്യാര്‍ത്ഥി വിഭാഗം യോഗം ചേര്‍ന്ന് തീരുമാനമെടുത്തതിന് ശേഷം സാദിഖലി തങ്ങള്‍ ഹക്കീം ഫൈസിയുമായി വേദി പങ്കിട്ടത് വലിയ വിവാദമായിരുന്നു. ഇതിന് പിന്നാലെയാണ് രാജി. സംഘടനാ വിരുദ്ധപ്രവര്‍ത്തനം ചൂണ്ടിക്കാട്ടി എല്ലാഘടകങ്ങളില്‍ നിന്നും ഹക്കീം ഫൈസിയെ സമസ്‌ത നേരത്തെ പുറത്താക്കിയിരുന്നു.
മീഡിയ വേൾഡ് ലൈവ് ന്യൂസ് മലപ്പുറം
0 Comments