കൊച്ചി:
നടിയെ ആക്രമിച്ച കേസില്‍ മഞ്ജു വാര്യര്‍ വിചാരണക്കോടതിയില്‍ ഹാജരായത്
ജനകീയ സിനിമാ നടനും ആദ്യ കാല ഭര്‍ത്താവുമായ ദിലീപിന്റെ ശബ്ദം തിരിച്ചറിയുന്നതിനായാണ് നടി മഞ്ജു വാര്യറെ കോടതിയിലേയ്ക്ക് വിളിപ്പിച്ചത്. ദിലീപിന്റെ ശബ്ദം ഡിജിറ്റല്‍ തെളിവിന്റെ ഭാഗമാണ്.
മഞ്ജുവാര്യറെ വിസ്തരിക്കുന്നതില്‍ എതിര്‍പ്പ് അറിയിച്ച്‌ ദിലീപ് നേരത്തേ സുപ്രീം കോടതിയില്‍ സത്യവാങ്മൂലം നല്‍കിയിരുന്നു.
എന്നാല്‍ പ്രോസിക്യൂഷന്‍ മുന്നോട്ട് വച്ച സാക്ഷികളുടെ വിസ്താരം തുടരാമെന്ന് നിര്‍ദേശിച്ച സുപ്രീം കോടതി, നടപടി വേഗത്തില്‍ പൂര്‍ത്തിയാക്കണമെന്നും ഇക്കാര്യത്തിലെ പ്രോസിക്യൂഷന്‍ തീരുമാനത്തില്‍ ഇടപെടുന്നില്ലെന്നും വ്യക്തമാക്കുകയായിരുന്നു. വിചാരണ വേഗം പൂര്‍ത്തിയാക്കണമെന്നും മാര്‍ച്ച്‌ ഇരുപത്തിനാല് നകം പുരോഗതി റിപ്പോര്‍ട്ട് നല്‍കണമെന്നും സുപ്രീം കോടതി ആവശ്യപ്പെട്ടിരിക്കുകയാണ്.
മഞ്ജു വാര്യരെ വിസ്തരിക്കരുതെന്നും വിസ്താരത്തിന് പ്രോസിക്യൂഷന്‍ നിരത്തുന്ന കാരണങ്ങള്‍ വ്യാജമാണെന്നുമായിരുന്നു സത്യവാങ്മൂലത്തില്‍ ദിലീപ് ആരോപിച്ചത്. എന്നാല്‍ മഞ്ജു വാരിയര്‍ ഉള്‍പ്പെടെ കേസിലെ നാല് സാക്ഷികളെ വീണ്ടും വിസ്തരിക്കുന്നതിനെ ന്യായീകരിച്ച്‌ സര്‍ക്കാരും സത്യവാങ്മൂലം നല്‍കി. ഡിജിറ്റല്‍ തെളിവുകളും വോയിസ് റെക്കോര്‍ഡിംഗ് ഉള്‍പ്പെടെയുളളവ നശിപ്പിച്ചത് തെളിയിക്കാനുമാണ് മഞ്ജുവിനെയും മറ്റ് മൂന്ന് സാക്ഷികളെയും വീണ്ടും വിസ്തരിക്കുന്നതെന്ന് സര്ക്കാര് കോടതിയെ അറിയിക്കുകയായിരുന്നു. തനിക്കെതിരായ തെളിവുകള്‍ ഹാജരാക്കുന്നതില്‍ നിന്ന് പ്രോസിക്യൂഷനെ തടയാനാണ് ദിലീപ് ശ്രമിക്കുന്നതെന്നും സര്ക്കാര് വക്കീൽ കോടതിയില്‍ വാദിച്ചു.
മീഡിയ വേൾഡ് ലൈവ് ന്യൂസ് കൊച്ചി
0 Comments