ജനകീയ പ്രതിരോധ യാത്രയ്ക്ക് കാസർകോട്ട് തുടക്കമായി

       mediaworldlive 

പതാക മുഖ്യമന്ത്രി പിണറായി വിജയന്‍ എം.വി. ഗോവിന്ദന്  കൈമാറി യാത്ര ഉദ്ഘാടനം ചെയ്തു. സര്‍ക്കാരും സിപിഎമ്മുമായും ബന്ധപ്പെട്ട പല വിവാദ വിഷയങ്ങളിലും ഉദ്ഘാടന പ്രസംഗത്തില്‍ മുഖ്യമന്ത്രി മറുപടി നല്‍കി.

140 മണ്ഡലങ്ങളിലൂടെ സഞ്ചരിച്ച്‌ മാര്‍ച്ച്‌ 18നാണ് യാത്ര തിരുവനന്തപുരത്ത് സമാപിക്കുക. കേന്ദ്ര സര്‍ക്കാരിന്‍റെ വര്‍ഗീയ നയങ്ങള്‍ക്ക് എതിരേയുള്ള കേരളത്തിന്‍റെ ജനകീയ ബദല്‍ ജനങ്ങളെ പരിചയപ്പെടുത്തുകയാണ് യാത്രയുടെ ലക്ഷ്യം.

സംസ്ഥാന സെക്രട്ടേറിയറ്റംഗം പി.കെ.ബിജുവാണ് ജാഥയുടെ മാനേജര്‍. കേന്ദ്രകമ്മിറ്റി അംഗം സി.എസ്.സുജാത, സംസ്ഥാന സെക്രട്ടേറിയറ്റംഗം എം.സ്വരാജ്, സംസ്ഥാന കമ്മിറ്റി അംഗം ജെയ്ക് സി.തോമസ്, കെ.ടി.ജലീല്‍ എംഎല്‍എ എന്നിവര്‍ സ്ഥിരാംഗങ്ങളാണ്.

മീഡിയ വേൾഡ് ന്യൂസ് കാസർകോട് റിപ്പോർട്ട്