കോഴിക്കോട് മാവൂർ ചാത്തമംഗലം പഞ്ചായത്തുകളെ ബന്ധിപ്പിക്കുന്ന പ്രധാന മുഴാപാലം പാലത്തിന്റെ കരാറുകാരനെതിരെ നടപടികൾ സ്വീകരിച്ചു

 mediaworldlive news Kozhikode 

                           മാവൂർ:

ഒരുമാസത്തിനകം അറിയിക്കാന്‍ മനുഷ്യാവകാശ കമ്മിഷന്റെ നിര്‍ദ്ദേശം

പഴയ പാലത്തിന്റെ അവശിഷ്ടങ്ങള്‍ കരാറുകാരന്‍ നിരുത്തരവാദപരമായി തോട്ടില്‍ തള്ളിയതിനെതിരെ സ്വീകരിച്ച നടപടികളും അറിയിക്കണമെന്ന് പൊതുമരാമത്ത് പാലങ്ങള്‍ വിഭാഗം എക്‌സിക്യുട്ടീവ് എന്‍ജിനിയര്‍ നല്‍കിയ റിപ്പോര്‍ട്ടിന്‍മേല്‍ കമ്മിഷന്‍ ജുഡീഷ്യല്‍ അംഗം കെ.ബൈജുനാഥ് നിര്‍ദ്ദേശം നല്‍കി.

പാലം പൊളിച്ച്‌ ഏഴുമാസം കഴിഞ്ഞിട്ടും പുതിയ പാലം പണിയാത്തതിനെതിരെ കാരപറമ്പ് സ്വദേശി എ.സി. ഫ്രാന്‍സിസ് നല്‍കിയപരാതിയിലാണ് നടപടി.എം.മുഹമ്മദ് ബഷീര്‍, മേനങ്ങോട് എന്ന കരാറുകാരനാണ് കരാര്‍ ലംഘനം നടത്തിയതെന്ന് റിപ്പോര്‍ട്ടില്‍ പറയുന്നു. 

2020 ഒക്ടോബര്‍ 28 നാണ് കരാര്‍ നല്‍കിയത്. 15 മാസമാണ് പണി പൂര്‍ത്തിയാക്കാന്‍ അനുവദിച്ചത്. 2021 ജനുവരിയില്‍ പാലം പൊളിച്ച്‌ അവശിഷ്ടങ്ങള്‍ പാലം നിന്നിരുന്ന സ്ഥലത്തെ തോട്ടില്‍ നിക്ഷേപിച്ചു. പുതിയ പാലത്തിന്റെ നിര്‍മ്മാണം തുടങ്ങിയതുമില്ല. തുടര്‍ന്ന് 2021 സെപ്തംബര്‍ 5 ന് തിരുവമ്പാടി പൊലീസില്‍ കരാറുകാരനെതിരെ പരാതി നല്‍കി. ഒക്ടോബറില്‍ പാലത്തിന്റെ പൈലിംഗ് ജോലികള്‍ ആരംഭിച്ചതായി റിപ്പോര്‍ട്ടില്‍ പറയുന്നു. പാലം നിര്‍മ്മാണത്തില്‍ ഗുരുതര ക്രമക്കേടുകള്‍ നടത്തിയ കരാറുകാരനെ കരിമ്പട്ടികയില്‍പെടുത്തി നഷ്ടപരിഹാരം ഈടാക്കാന്‍ സര്‍ക്കാര്‍ ഒരു നടപടിയും സ്വീകരിച്ചില്ലെന്നും പരാതിക്കാരന്‍ കമ്മിഷനെ അറിയിച്ചു.

മീഡിയ വേൾഡ് ലൈവ് ന്യൂസ് കോഴിക്കോട്