കോഴിക്കോട്:
വിദ്യാഭ്യാസ സ്ഥിരം സമിതി അധ്യക്ഷൻ സമീറിനെ കയ്യേറ്റം ചെയ്ത
സംഭവത്തില്‍ പ്രതിഷേധിച്ച്‌ സി.പി.എം ഫറോക്ക് മുനിസിപ്പല്‍ കമ്മിറ്റിയുടെ നേതൃത്വത്തില്‍ ഫറോക്ക് ടൗണില്‍ പ്രതിഷേധ പ്രകടനവും പൊതുയോഗവും നടത്തി. സി.പി.എം ഫറോക്ക് ഏരിയ കമ്മറ്റി അംഗം ജയപ്രകാശന്‍.പി ഉദ്ഘാടനം ചെയ്തു. സി.ഷിജു അദ്ധ്യക്ഷത വഹിച്ചു. കെ.വിജയകുമാര്‍, ടി.ഷെമീഷ്, പി.ബിജു (കുട്ടന്‍), ടി.ഉണ്ണികൃഷ്ണന്‍ എന്നിവര്‍ പ്രസംഗിച്ചു.
യു.സുധര്‍മ്മ സ്വാഗതവും ഒ.ആര്‍.മധു നന്ദിയും പറഞ്ഞു. സര്‍ക്കാര്‍ സഹായത്തോടെ ഫറോക്ക് നഗരസഭയില്‍ കുടുംബശ്രീ സി.ഡി.എസ് മുഖേന വനിത ഗ്രൂപ്പ് സംരംഭക പദ്ധതിയില്‍ 3,9 ഡിവിഷനുകളില്‍ നിന്ന് രണ്ട് ഗ്രൂപ്പുകളെ തെരഞ്ഞെടുത്തിരുന്നു. സി.ഡി.എസ് ഭരണ സമിതി ഇത് അംഗീകരിച്ച്‌ തുടര്‍നടപടിക്കായി ശുപാര്‍ശ ചെയ്തു. എന്നാല്‍ നഗരസഭയിലെ ജെ.എച്ച്‌.ഐയും സി.ഡി.എസ് മെമ്ബര്‍ സെക്രട്ടറിയുമായ പി.ഹരീഷ് പദ്ധതി അനാവശ്യമായ തടഞ്ഞുവെക്കുകയും സി.ഡി.എസ് അംഗങ്ങളോട് അപമര്യാദയായി പെരുമാറുകയുമായിരുന്നു. സംഭവം അന്വേഷിക്കാന്‍ ചെന്നപ്പോഴായിരുന്നു സമീഷിന് നേരെ കൈയേറ്റം. സമീഷ് മെഡിക്കല്‍ കോളേജ് ആശുപത്രിയില്‍ ചികിത്സയിലാണ്.യു.ഡി.എഫ് ഭരണ സമിതിയും ഏതാനും ജീവനക്കാരും ലീഗ് പ്രവര്‍ത്തകരും ചേര്‍ന്ന് നഗരസഭയില്‍ പ്രശ്നങ്ങള്‍ ഉണ്ടാക്കുകയാണെന്ന് സി.പി.എം ആരോപിച്ചു.
മീഡിയ വേൾഡ് ലൈവ് ന്യൂസ് കോഴിക്കോട്
0 Comments