ജില്ലയിലെ ഗവ മെഡിക്കൽ കോളേജ് നാടിന് സമർപ്പിക്കും

ജില്ലയിലെ ഗവ മെഡിക്കൽ കോളേജ് നാടിന് സമർപ്പിക്കും 

പാലക്കാട്: 

കെട്ടിടത്തിന്റെ സിവില്‍ വര്‍ക്കുകളെല്ലാം പൂര്‍ത്തിയായി. വാര്‍ഡ് ബ്ലോക്കുകള്‍, ഓപ്പറേഷന്‍ തിയറ്ററുകള്‍, ഫയര്‍ ആന്‍ഡ് സേഫ്റ്റി, വൈദ്യുതി സബ് സ്റ്റേഷന്‍, സ്വീവേജ് പ്ലാന്റ് തുടങ്ങിയവയെല്ലാം പൂര്‍ത്തിയായി. ചികിത്സ അനുബന്ധ ഉപകരണങ്ങളും സജ്ജമാക്കുന്നുണ്ട്. പൊതുമരാമത്ത് വകുപ്പിനാണ് നിര്‍മ്മാണ മേല്‍നോട്ടം.

പട്ടികജാതി വിഭാഗത്തിലെ 70 പേര്‍ക്കും പട്ടിക വര്‍ഗവിഭാഗത്തിലെ രണ്ടുപേര്‍ക്കുമുള്‍പ്പെടെ 100 പേര്‍ക്കാണ് പ്രതിവര്‍ഷം ഇവിടെ എം.ബി.ബി.എസിന് പ്രവേശനം. പി.ജി കോഴ്സുകള്‍ക്കുള്ള നടപടിയും തുടങ്ങി. പട്ടികജാതി വികസന വകുപ്പിന്റെ നിയന്ത്രണത്തിലുള്ള രാജ്യത്തെ ഏക മെഡിക്കല്‍ കോളേജില്‍ പട്ടികജാതി വിഭാഗം വിദ്യാര്‍ത്ഥികള്‍ക്ക് 70 ശതമാനമാണ് സംവരണം.

പട്ടികജാതി വികസന ഫണ്ട് ഉപയോഗിച്ചാണ് ജീവനക്കാര്‍ക്ക് ശമ്ബളവും ജനങ്ങള്‍ക്ക് ചികിത്സയും നല്‍കുന്നത്. മെഡിക്കല്‍ കോളേജിന്റെ പ്രവര്‍ത്തനത്തിനായി 153 അദ്ധ്യാപകരെയും ഡോക്ടര്‍മാരെയും നിയമിച്ചിട്ടുണ്ട്.

ഇതിനുപുറമേ 31 കരാര്‍ അദ്ധ്യാപകരുമുണ്ട്. 400 മറ്റ് ജീവനക്കാരും താത്കാലികാടിസ്ഥാനത്തില്‍ ജോലി ചെയ്യുന്നു. 150 ജീവനക്കാര്‍ കൂടി ഇനിയും വേണം. അതിനുള്ള നടപടി തുടങ്ങി. സേലം- കൊച്ചി ദേശീയപാതയിലെ ഏക മെഡിക്കല്‍ കോളേജ് ആശുപത്രിയാണിത്.

മെഡിക്കല്‍ കോളേജിന് ചുറ്റും റോഡ് നിര്‍മ്മിക്കാന്‍ രണ്ടുകോടിയുടെ കരാര്‍ നല്‍കിയിട്ടുണ്ട്. ദിവസവും എഴുനൂറിലധികം രോഗികള്‍ ഒ.പി വിഭാഗത്തില്‍ ചികിത്സ തേടുന്നുണ്ട്.

മീഡിയ വേൾഡ് ലൈവ് ന്യൂസ് പാലക്കാട്