ചെറുവണ്ണൂർ പഞ്ചായത്തിൽ യൂ ഡി എഫിന് തിളങ്ങുന്ന വിജയം

mediaworldlive news Kozhikode 

                 പേരാമ്പ്ര:      

ചെറുവണ്ണൂര്‍ പഞ്ചായത്ത് കക്കറമുക്ക് വാര്‍ഡില്‍ യു.ഡി.എഫിന് തിളങ്ങുന്ന വിജയം. നൂറ്റി അറുപത്തി എട്ട്  സീറ്റ് എല്‍.ഡി.എഫില്‍ നിന്ന് പിടിച്ചെടുത്തത്.

ഇതോടെ പഞ്ചായത്ത് ഭരണം യു.ഡി.എഫ് നിലനിര്‍ത്തി. യു.ഡി.എഫ് സ്ഥാനാര്‍ത്ഥിയായ മുസ്ലീ‌ലിം ലീഗിലെ പി. മുംതാസിന് എഴ് നൂറ്റി അമ്പത്തി അഞ്ച് വോട്ട് ലഭിച്ചപ്പോള്‍ എല്‍.ഡി.എഫ് സ്ഥാനാര്‍ത്ഥിയായ സി.പി.ഐയിലെ കെ.സി. ആസ്യ 587 വോട്ട് നേടി.                      

ബി.ജെ.പി സ്ഥാനാര്‍ത്ഥി കെ.എം.ശാലിനിക്ക് 20 വോട്ടും ലഭിച്ചു. അപരകള്‍ ഉള്‍പ്പെടെ ഏഴ് സ്ഥാനാര്‍ത്ഥികളാണ് മത്സര രംഗത്ത് ഉണ്ടായിരുന്നത്. ഇരുമുന്നണികള്‍ക്കും വിജയം അനിവാര്യമായ തിരഞ്ഞെടുപ്പില്‍ ശക്തമായ മത്സരത്തിലൂടെയാണ് യു.ഡി.എഫ് പഞ്ചായത്ത് ഭരണം നിലനിര്‍ത്തിയിരിക്കുന്നത്. കഴിഞ്ഞ തിരഞ്ഞെടുപ്പില്‍ എല്‍.ഡി.എഫ് 11 വോട്ടിന്റെ ഭൂരിപക്ഷത്തിലാണ് വാര്‍ഡില്‍ ജയിച്ചത്.                

പതിനഞ്ചാം വാര്‍ഡില്‍ നിന്ന് തിരഞ്ഞെടുത്ത പ്രസിഡന്റായ ഇ.ടി രാധ മരിച്ചതിനെ തുടര്‍ന്നാണ് ഉപതിരഞ്ഞെടുപ്പ് വേണ്ടിവന്നത്. 2020ല്‍ നടന്ന തിരഞ്ഞെടുപ്പില്‍ 15 അംഗ ഭരണസമിതിയില്‍ എട്ട് വാര്‍ഡുകളില്‍ എല്‍.ഡി.എഫും ഏഴ് വാര്‍ഡുകളില്‍ യു.ഡി.എഫുമാണ് വിജയിച്ചത്. എല്‍.ഡി.എഫിലെ സി.പി.ഐ പ്രതിനിധി ഇ.ടി രാധയെ പ്രസിഡന്റായി തിരഞ്ഞെടുക്കുകയും ചെയ്തു. 

എല്‍.ഡി.എഫിനും യു.ഡി.എഫിനും വ്യക്തമായ ആധിപത്യമില്ലാത്ത വാര്‍ഡില്‍ കഴിഞ്ഞ തവണ 11 വോട്ടിന്റെ ഭൂരിപക്ഷത്തിലാണ് യു.ഡി.എഫ് സ്ഥാനാര്‍ത്ഥിയായ ശ്രീലേഖ പയ്യത്തിനെ ഇ.ടി.രാധ പരാജയപ്പെടുത്തിയത്. രാധയുടെ മരണത്തോടെ ഇരുമുന്നണികള്‍ക്കും ഭൂരിപക്ഷം നഷ്ടപ്പെട്ടതോടെ

പ്രസിഡന്റ് സ്ഥാനത്തേക്ക് നടന്ന നറുക്കെടുപ്പില്‍ യു.ഡി.എഫിനായിരുന്നു ജയം. കക്കറമുക്ക് വാര്‍ഡിലെ വന്‍ വിജയത്തില്‍ യു.ഡി.എഫ് ആഹ്ലാദ പ്രകടനം നടത്തി.

മീഡിയ വേൾഡ് ലൈവ് ന്യൂസ് കോഴിക്കോട്