തദ്ദേശ വാർഡുകൾ ക്കായി നടന്ന ഉപതെരഞ്ഞെടുപ്പിന്റെ ഫലം വന്നപ്പോൾ

mediaworldlive news Thiruvananthapuram 

തിരുവനന്തപുരം: 

എല്‍ ഡി എഫ് 15 സീറ്റുകളില്‍ വിജയിച്ചെങ്കിലും ആറ് സിറ്റിംഗ് സീറ്റുകള്‍ നഷ്ടമായി. ഇതില്‍ അഞ്ചെണ്ണം പിടിച്ചെടുത്തത് യു ഡി എഫ് ആണ്. യു ഡി എഫ് പതിനൊന്ന് സീറ്റുകള്‍ നേടി. എന്‍ ഡി എ രണ്ടിടത്ത് വിജയം കണ്ടു. യു ഡി എഫ് ആറ് സീറ്റുകള്‍ പിടിച്ചെടുക്കുകയും അഞ്ച് സീറ്റുകള്‍ നിലനിര്‍ത്തുകയും ചെയ്തു. മലപ്പുറത്ത് ഉപതിരഞ്ഞെടുപ്പ് നടന്ന നാല് സീറ്റിലും യു ഡി എഫിനാണ് ജയം.

ഇടുക്കി, കാസര്‍കോട് ഒഴികെയുള്ള എല്ലാ ജില്ലകളിലും ഉപതിരഞ്ഞെടുപ്പ് നടന്നിരുന്നു. ഒരു കോര്‍പ്പറേഷന്‍ വാര്‍ഡ്, ഒരു ജില്ലാ പഞ്ചായത്ത് വാര്‍ഡ്, രണ്ട് മുനിസിപ്പാലിറ്റി വാര്‍ഡുകള്‍, 23 ഗ്രാമപഞ്ചായത്ത് വാര്‍ഡുകള്‍ എന്നിവിടങ്ങളിലാണ് ഉപതിരഞ്ഞെടുപ്പ് നടന്നത്.

അതേസമയം, എല്‍ ഡി എഫ് ഒരു സീറ്റ് യു ഡി എഫില്‍ നിന്ന് പിടിച്ചെടുത്തു. എല്‍ ഡി എഫ് 13 സീറ്റുകളാണ് നിലനിര്‍ത്തിയത്. എന്‍ ഡി എ ഒരു സീറ്റ് എല്‍ ഡി എഫില്‍ നിന്നും പിടിച്ചെടുക്കുകയും ചെയ്തു. തണ്ണീര്‍മുക്കത്ത് ബി ജെ പി സീറ്റ് നിലനിര്‍ത്തി.

മീഡിയ വേൾഡ് ലൈവ് ന്യൂസ് തിരുവനന്തപുരം