എല്ലാ വികലാംഗർക്കും അടിസ്ഥാന രേഖകൾ ഉറപ്പിക്കാൻ സംസ്ഥാനത്തെ ആദ്യ ജില്ലാ യെന്ന നേട്ടം കൈവരിക്കാൻ അടുത്ത മാസത്തോടെ രജിസ്ട്രേഷൻ പൂർത്തീകരിക്കാൻ ജില്ലാ ഭരണകൂടം ഒരുങ്ങി.

Media world live news Kozhikode 

കോഴിക്കോട് :

29/08/2024

ഇതിനായി കോഴിക്കോട് ദേവഗിരി  സെന്റ് ജോസഫ്സ്  കോളേജില്‍ മെഗാ ഡാറ്റ എൻട്രി ക്യാമ്പ് സംഘടിപ്പിച്ചു. ജില്ലയിലെ എല്ലാ വികലാംഗക്കും തൻമുദ്ര രജിസ്‌ട്രേഷനും യു.ഡി.ഐ.ഡി കാർഡും മെഡിക്കല്‍ ബോർഡ് സർട്ടിഫിക്കറ്റും ലഭ്യമാക്കുകയാണ് ലക്ഷ്യം. ഭിന്നശേഷിക്കാരില്‍ നിന്ന് ശേഖരിക്കുന്ന അടിസ്ഥാന വിവരങ്ങള്‍ ഉള്‍പ്പെടുത്തി യു.ഡി.ഐഡി കാർഡ്, തൻമുദ്ര രജിസ്‌ട്രേഷൻ നടത്തും. ശേഖരിച്ച മുഴുവൻ വിവരങ്ങളും ജില്ലയിലെ കോളേജ് വിദ്യാർത്ഥികള്‍, എൻ.എസ്.എസ്, ക്യാംപസസ് ഓഫ് കോഴിക്കോട് വോളണ്ടിയർമാർ, ജില്ലാ കളക്ടറുടെ ഇന്റേർണുകള്‍ എന്നിവയുടെ സഹകരണത്തോടെയാണ് ഡാറ്റാ എൻട്രി നടത്തുന്നത്.

കഴിഞ്ഞ രണ്ടാഴ്ചയ്ക്കിടെ വിവിധ കോളേജുകളിലായി നടന്ന ക്യാമ്പുകളിലൂടെ ഇരുപതിനായിരത്തിലേറെ പേരുടെ വിവരങ്ങള്‍ തൻമുദ്ര വെബ്‌സൈറ്റിലും ഒൻമ്പതിനായിരത്തോളം പേരുടെ വിവരങ്ങള്‍ യു.ഡി.ഐ.ഡി പോർട്ടലിലും രജിസ്റ്റർ ചെയ്തു. 

ഭിന്നശേഷിക്കാർക്ക് ഏത് ആനുകൂല്യം ലഭിക്കണമെങ്കിലും യു.ഡി.ഐ.ഡി കാർഡ് ഉണ്ടായിക്കുകയെന്നത് പ്രധാനമാണ്. രണ്ടാഴ്ചയ്ക്കകം രജിസ്‌ട്രേഷൻ പൂർത്തിയാക്കും. മെഡിക്കല്‍ ബോർഡ് സർട്ടിഫിക്കറ്റ് ലഭ്യമാക്കുന്നതിനായി ആവശ്യമെങ്കില്‍ പ്രത്യേക ക്യാമ്ബ് സംഘടിപ്പിച്ച്‌ അടുത്ത മാസത്തോടെ നടപടി ക്രമങ്ങള്‍ പൂർത്തീകരിക്കുമെന്ന് ജില്ലാ കളക്ടർ സ്‌നേഹില്‍ കുമാർ സിംഗ് അറിയിച്ചു.

മീഡിയ വേൾഡ് ലൈവ് ന്യൂസ് കോഴിക്കോട്.

വാർത്തകൾ ലൈവായി അറിയുവാൻ താഴെ കാണുന്ന ലിങ്കിൽ ക്ലിക്ക് ചെയ്യുക 

Media world online news Kozhikode 

Follow this link to join my WhatsApp group: https://chat.whatsapp.com/BSoZA9PEqKC0PmIBczryjY

വാർത്തകൾ ലൈവായി അറിയുവാൻ മീഡിയ വേൾഡ് ലൈവ് ന്യൂസ് കേരള.