mediaworldlive news Kozhikode
കോഴിക്കോട്
03/04/23
ട്രെയിൻ യാത്ര ക്കാർ അറിയുവാൻ ആഗ്രഹിക്കുന്ന ഒരു കാര്യമാണ് തത്കാൽ ടിക്കറ്റ് ക്യാൻസൽ ചെയ്യുമ്പോൾ എത്ര പണം തിരികെ കിട്ടുമെന്നത്
ഏറ്റവും അവസാനഘട്ടത്തിലാണ് നമ്മള്‍ തത്കാല്‍ ടിക്കറ്റിനെ ആശ്രയിക്കുന്നത്. സാധാരണ ടിക്കറ്റുകള്‍ ലഭിക്കാതെ വരികയും ട്രെയിന്‍ യാത്ര ഒഴിവാക്കുവാന്‍ കഴിയാത്ത സാഹചര്യവുമാണങ്കില്‍ ആശ്രയം തത്കാല്‍ ടിക്കറ്റുകള്‍ മാത്രമാണ്
മിക്ക ട്രെയിനുകള്‍ക്കും തത്കാല്‍ ക്വോട്ടകള്‍ ഉള്ളതും ഒരാശ്വാസമാണ്. എന്നാല്‍ തത്കാല്‍ ടിക്കറ്റ് എടുക്കുന്നതിനും പിന്നീട് റദ്ദാക്കുന്നതിനും പലവിധ നിയമങ്ങളും നിയന്ത്രണങ്ങളും നിലനില്‍ക്കുന്നുണ്ട്.
അതുകൊണ്ടുതന്നെ തത്കാല്‍ ടിക്കറ്റില്‍ യാത്ര ചെയ്യുവാന്‍ നിങ്ങള്‍ ഉദ്ദേശിക്കുന്നുണ്ടെങ്കില്‍ തത്കാല്‍ ടിക്കറ്റ് ക്യാന്സല് ചെയ്യുന്നതിനെക്കുറിച്ചും അതിന്റെ റീഫണ്ടിങ്ങിനെക്കുറിച്ചും അറിഞ്ഞിരിക്കേണ്ടതാണ്. കാരണം തത്കാല്‍ ടിക്കറ്റ് റദ്ദാക്കിയാല്‍ തുക തിരികെ ലഭിക്കില്ല എന്നാണ് പലരും കരുതുന്നതെങ്കിലും ചില സാഹചര്യങ്ങളില്‍ നിങ്ങള്‍ക്ക് റദ്ദാക്കിയ തുക തിരികെ കിട്ടും.
ഒരു തത്കാല്‍ ടിക്കറ്റ് ബുക്കിംഗ് റദ്ദാക്കിയാല്‍ ഐ ആര്‍ സിടി സി നിങ്ങള്‍ക്ക് എങ്ങനെ റീഫണ്ട് നല്‍കുമെന്നും എന്തൊക്കെയാണ് ഇതിന്‍റെ നടപടിക്രമങ്ങളെന്നും എന്തൊക്കെ കാര്യങ്ങളാണ് തത്കാല്‍ ടിക്കറ്റ് ക്യാന്‍സലേഷനു മുന്നോടിയായി നിങ്ങള്‍ ശ്രദ്ധിക്കേണ്ടതെന്നും നോക്കാം. ടിക്കറ്റ് റദ്ദാക്കിയാലും ഇരുകൂട്ടര്‍ക്കും വലിയ സാമ്ബത്തിക നഷ്ടം വരാത്ത വിധത്തിലുള്ള നടപടിക്രമങ്ങളാണ് റെയില്‍വേ ഒരുക്കിയിട്ടുള്ളത്.
തത്കാല്‍ ടിക്കറ്റുകള്‍ റദ്ദാക്കുമ്ബോള്‍ ശ്രദ്ധിക്കേണ്ടത് നിങ്ങള്‍ എങ്ങനെ ആ ടിക്കറ്റ് എടുത്തു എന്നതാണ്. തത്കാല്‍ ടിക്കറ്റുകള്‍ ഓണ്‍ലൈന്‍ ആയാണോ അതോ കൗണ്ടറില്‍ നിന്നാണോ എടുത്തത് എന്നത് കണക്കിലെടുക്കുമ്ബോള്‍ ക്യാന്‍സലേഷന്‍ നടപടിക്രമങ്ങളിലും വ്യത്യാസം കാണാം. ഓണ്‍ലൈനില്‍ തന്നെ നിങ്ങളുടെ തത്കാല്‍ ടിക്കറ്റ് വെയിറ്റിങ് ലിസ്റ്റിലാണെങ്കില്‍പ്പോലും റദ്ദാക്കല്‍ നടപടികളില്‍ വ്യത്യാസമുണ്ട്.
ഓണ്‍ലൈനില്‍ ബുക്ക് ചെയ്ത തത്കാല്‍ ടിക്കറ്റ് റദ്ദാക്കുമ്ബോള്‍
നിങ്ങള്‍ ഓണ്‍ലൈന്‍ വഴി തത്കാല്‍ ടിക്കറ്റ് ബുക്ക് ചെയ്തുവെന്നും എന്നാല്‍ നിങ്ങള്‍ വെയിറ്റിങ് ലിസ്റ്റിലാണ് ഉള്ളതെന്നും കരുതുക. അതായത്, ട്രെയിന്‍ പുറപ്പെടുന്നതിനു മുന്‍പായി ചാര്‍ട്ട് തയ്യാറാക്കുന്നതു വരെ നിങ്ങളുടെ ടിക്കറ്റ് വെയ്റ്റിംഗ് ലിസ്റ്റിലാണെങ്കില്‍ അത് ക്യാന്സല് ചെയ്യുവാന്‍ നിങ്ങള്‍ പ്രത്യേകിച്ചൊന്നും ചെയ്യേണ്ടതില്ല. നിങ്ങളുടെ ടിക്കറ്റ് തനിയെ റദ്ദാക്കപ്പെടും. പിന്നീട് ബാക്കിവരുന്ന തുക നിങ്ങളുടെ അക്കൗണ്ടിലേക്ക് തിരികെ വരികയും ചെയ്യും.
സ്ഥിരീകരിച്ച തത്കാല്‍ ടിക്കറ്റ് റദ്ദാക്കുമ്ബോള്‍
ഇന്ത്യന്‍ റെയില്‍വേയുടെ നിലവിലെ നിയമമനുസരിച്ച്‌ സ്ഥിരീകരിച്ച തത്കാല്‍ ടിക്കറ്റ് റദ്ദാക്കുമ്ബോള്‍ ടിക്കറ്റ് തുക തിരികെ ലഭിക്കില്ല. കണ്ടിജന്റ് ക്യാന്‍സലേഷനുകള്‍ക്കും വെയിറ്റ്‌ലിസ്റ്റ് ചെയ്ത തത്കാല്‍ ടിക്കറ്റ് ക്യാന്‍സലേഷനുകള്‍ക്കും നിയമങ്ങള്‍ അനുസരിച്ച്‌ റെയില്‍വേ നിരക്കുകള്‍ കുറയ്ക്കും. ഇതില്‍ അറിഞ്ഞിരിക്കേണ്ട മറ്റൊരു കാര്യം തത്കാല്‍ ഇ-ടിക്കറ്റുകളുടെ ഭാഗിക റദ്ദാക്കല്‍ റെയില്‍വേ അനുവദിക്കും എന്നതാണ്.
ഓഫ് ലൈനില്‍ ബുക്ക് ചെയ്ത തത്കാല്‍ ടിക്കറ്റ് റദ്ദാക്കുമ്ബോള്‍
റെയില്‍വേ റിസര്‍വേഷന്‍ കൗണ്ടറില്‍ നിന്നാണ് നിങ്ങള്‍ താത്കാല്‍ ടിക്കറ്റ് എടുത്തതെങ്കില്‍, തിരികെ കൗണ്ടറില്‍ പോയി മാത്രമേ തത്കാല്‍ ടിക്കറ്റ് റദ്ദാക്കുവാന്‍ ഇന്ത്യന്‍ റെയില്‍വേ നിയമങ്ങള്‍ അനുവദിക്കുന്നുള്ളൂ.
തത്കാല്‍ ടിക്കറ്റ് റദ്ദാക്കിയാല്‍ മുഴുവന്‍ തുകയും റീഫണ്ട് ലഭിക്കുന്ന സാഹചര്യങ്ങള്‍
ചില പ്രത്യേക ഘട്ടങ്ങളില്‍ ക്യാന്സല് ചെയ്ത തത്കാല്‍ ടിക്കറ്റുകള്‍ക്ക് റെയില്‍വേ മുഴുവന്‍ തുകയും റീഫണ്ട് നല്കും,.
1. ട്രെയിന്‍ വൈകിയാല്‍- മൂന്നു മണിക്കൂറില്‍ കൂടുതല്‍ സമയം യാത്രക്കാരന് യാത്ര പുറപ്പെടേണ് സ്ഥലത്തു നിന്നു ട്രെയിന്‍ വൈകിയാല്‍ റീഫണ്ട് ലഭിക്കും. എന്നാല്‍ യാത്ര പുറപ്പെടുന്ന സ്ഥലവും, ബോര്‍ഡിംഗ് പോയിന്റും വ്യത്യാസമുണ്ടെങ്കില്‍ പുറപ്പെടുന്ന സ്ഥലമാകും കണക്കാക്കുക.
2. ട്രെയിന്‍ വഴിമാറി ഓടിയാല്‍- മാറിയ റൂട്ടില്‍ യാത്ര ചെയ്യുവാന്‍ യാത്രക്കാരന് തയ്യാറാകുന്നില്ലെങ്കില്‍
3. ട്രെയിന്‍ വഴിമാറ്റി വിടുമ്ബോള്‍ യാത്രക്കാരന്‍റെ ബോര്‍ഡിങ് സ്റ്റേഷനോ ഇറങ്ങേണ്ട സ്റ്റേഷനോ, ഇവ രണ്ടുോ പുതിയ റൂട്ടില്‍ ഉള്‍പ്പെട്ടിട്ടില്ലെങ്കില്‍ യാത്രക്കാരന് റീഫണ്ട് ലഭിക്കാം
4. തത്കാലില്‍ അനുവദിച്ച കോച്ച്‌ ട്രെയിനില്‍ ബന്ധിപ്പിക്കാത്ത സാഹചര്യത്തിലോ ഇതേ ക്ലാസില്‍ പകരം സംവിധാനം ലഭ്യമാക്കാത്ത സാഹചര്യത്തിലും
5. ബുക്ക് ചെയ്തതില്‍നിന്നു വ്യത്യസ്തമായി താഴ്ന്ന ക്ലാസില്‍ യാത്ര ചെയ്യേണ്ട സാഹചര്യമുണ്ടായാല്‍-ഇങ്ങനെ താഴ്ന്ന ക്ലാസില്‍ യാത്ര ചെയ്യുവാന്‍ യാത്രക്കാരന് റെഡിയാണെങ്കില്‍ ആ ക്ലാസിന്റെ നിരക്കും തത്കാല്‍ ചാര്‍ജും ചേര്‍ന്ന തുക മാത്രമേ യാത്രക്കാരനില്‍ നിന്നും ഈടാക്കും, ബാക്കി വരുന്ന തുക റെയില്‍വേ റീഫണ്ട് ആയി നല്കും.
മീഡിയ വേൾഡ് ന്യൂസ് കോഴിക്കോട്
0 Comments