ലൈംഗികമായി പീഡിപ്പിച്ചു ഒൻപത് വയസ്സുകാരനെ

mediaworldlive news Kozhikode 

കൊച്ചി:

05/05/23/

പ്രായപൂർത്തിയാവാത്ത  കുട്ടികളെ പീഡിപ്പിക്കുന്നസംഭവം കേരളത്തിൽ പല ജില്ലകളിലും കണ്ടുവരുന്നു               

ഒൻമ്പത് വയസുകാരനെ ലൈംഗിക പീഡനത്തിനിരയാക്കിയ 39 കാരന് 11 വര്‍ഷം തടവും ഇരുപതിനായിരം രൂപ പിഴയും ശിക്ഷ.

എറണാകുളം വടക്കേക്കര ആലുംതുരുത്ത് സ്വദേശി പുതുമന വീട്ടില്‍ ഷൈന്‍ഷാദിനെയാണ് കോടതി ശിക്ഷിച്ചത്. ഇരിങ്ങാലക്കുട ഫാസ്ട്രാക്ക് സ്പെഷ്യല്‍ പോക്സോ കോടതിയുടേതാണ് ശിക്ഷാവിധി.

2020ലായിരുന്നു കേസിനാസ്പദമായ സംഭവം. മാള പോലീസ് ആണ് കേസ് രജിസ്റ്റര്‍ ചെയ്ത് അന്വേഷണം നടത്തി കുറ്റംപത്രം സമര്‍പ്പിച്ചത്. പോക്സോ കോടതി ജഡ്ജി കെ പി പ്രദീപിന്‍റേതാണ് ശിക്ഷാ വിധി. പിഴത്തുക അടക്കാത്ത പക്ഷം നാലു മാസം കൂടി അധിക ശിക്ഷ അനുഭവിക്കണം. പിഴ തുക കുട്ടിക്ക് നല്‍കാനും വിധിന്യായത്തിലുണ്ട്.

കേസില്‍ പ്രോസിക്യൂഷന് വേണ്ടി സ്പെഷ്യല്‍ പബ്ലിക് പ്രോസിക്യൂട്ടര്‍ കെ എന്‍ സിനിമോള്‍ ആണ് ഹാജരായത്. മാള പൊലീസ് സ്റ്റേഷന്‍ എസ് ഐ മാരായിരുന്ന എ വി ലാലു, ഐ സി ചിത്തരഞ്ജന്‍ എന്നിവരാണ് കേസ് അന്വേഷിച്ച്‌ കുറ്റപത്രം സമര്‍പ്പിച്ചത്. ആളൂര്‍ പൊലീസ് സ്റ്റേഷനിലെ സീനിയര്‍ സിവില്‍ പൊലീസ് ഓഫീസര്‍ രജനി ടി ആര്‍ ആണ് കേസ് നടത്തിപ്പില്‍ പ്രോസിക്യൂഷനെ സഹായിച്ചത്.

മീഡിയ വേൾഡ് ന്യൂസ് കൊച്ചി റിപ്പോർട്ട്