പച്ചക്കറി. പുഷ്പ കൃഷിയുടെ മികവിന്റെ കേന്ദ്രം ഉദ്‌ഘാടനം കൃഷിമന്ത്രി നാളെ നിർവ്വഹിക്കും

mediaworldlive news Kozhikode 

ബത്തേരി:

08/05/23

സംസ്ഥാന കൃഷിവകുപ്പിന്റെയും സംസ്ഥാന ഹോർട്ടികൾച്ചർ മിഷൻ- കേരളത്തിന്റെയും ആഭിമുഖ്യത്തിൽ വയനാട് അമ്പലവയൽ പ്രാദേശിക കാർഷിക ഗവേഷണ കേന്ദ്രത്തിൽ ഒരുക്കിയ പച്ചക്കറി - പുഷ്പ വിളകളുടെ മികവിന്റെ കേന്ദ്രം നാളെ കൃഷിമന്ത്രി പി പ്രസാദ് ഉദ്‌ഘാടനം ചെയ്യും 

ഇൻഡോ-ഡച്ച് സംയുക്ത കർമ്മ പദ്ധതിയുടെ ഭാഗമായി പച്ചക്കറികളുടേയും പുഷ്പങ്ങളുടേയും ആധുനിക കൃഷി സമ്പ്രദായങ്ങൾക്ക് പ്രചാരം നൽകുക എന്ന ലക്ഷ്യത്തോടെയാണ് ഈ പദ്ധതി ആരംഭിക്കുന്നത്.

ഇന്ത്യൻ സാഹചര്യത്തിൽ, നെതർലാൻഡിന്റെ മികച്ച സാങ്കേതിക വിദ്യയുടെ വ്യാപനവും പ്രദർശനകൃഷിയിടവും യാഥാർത്ഥ്യമാക്കുന്നതിൽ കേന്ദ്രം ശ്രദ്ധ പതിപ്പിക്കും.

കേന്ദ്ര കൃഷി മന്ത്രാലയത്തിന് കീഴിലുള്ള മിഷൻ ഫോർ ഇന്റഗ്രേറ്റഡ് ഡെവലപ്മെന്റ് ഓഫ് ഹോർട്ടിക്കൾച്ചർ പദ്ധതിയുടേയും കേരള സർക്കാരിന്റെ റീബിൽഡ് കേരള ഇനിഷ്യേറ്റീവ് പദ്ധതിയുടേയും സാമ്പത്തിക സഹായത്തോടെയാണ് സംസ്ഥാന ഹോർട്ടിക്കൾച്ചർ മിഷന് കീഴിൽ ഈ സെന്റർ സ്ഥാപിതമാവുന്നത്.

മികച്ച സാങ്കേതിക വിദ്യകൾ അവലംബിച്ചുകൊണ്ടുള്ള പോളിഹൗസ് കൃഷിയുടേയും തുറസ്സായ സ്ഥലത്തെ കൃത്യതാ കൃഷിയുടേയും മാതൃകാ തോട്ടങ്ങളാണ് ഇതിന്റെ ഭാഗമായി ഒരുക്കുന്നത്.

പച്ചക്കറി . പുഷ്പ വിളകളുടെ ഗുണനിലവാരമുള്ള നടീൽ വസ്തുക്കൾ വലിയതോതിൽ ഉത്പാദിപിച്ച് കർഷകർക്ക് വിതരണം ചെയ്യുന്നതിനും ഇതിലൂടെ ലക്ഷ്യമിടുന്നു.        

പച്ചക്കറികളുടെയും പുഷ്പങ്ങളുടേയും സംസ്കരണ രീതികളും നൂതന വിപണന മാർഗ്ഗങ്ങളും ഈ കേന്ദ്രം വഴി കർഷകർക്കെത്തിക്കുംഒപ്പം കർഷകർക്കും സാങ്കേതിക പ്രവർത്തകർക്കും കാർഷിക സംരഭകർക്കും തുടർച്ചയായ പരിശീലന പരിപാടികളും ഈ സെന്റെർ വഴി നടപ്പാക്കും.

നാളെ രാവിലെ 11 മണിക്ക് അമ്പലവയൽ പ്രാദേശിക കാർഷിക ഗവേഷണ കേന്ദ്രത്തിൽ വച്ച് സംഘടിപ്പിക്കുന്ന ഉദ്‌ഘാടന യോഗത്തിൽ സുൽത്താൻബത്തേരി എംഎൽഎ ഐ സി ബാലകൃഷ്ണൻ അധ്യക്ഷത വഹിക്കും 

ചടങ്ങിൽ നെതർലൻഡ്‌സ്‌ എംബസി ഉദ്യോഗസ്ഥർ, ജനപ്രതിനിധികൾ, കർഷക പ്രതിനിധികൾ, കൃഷി ഉന്നത ഉദ്യോഗസ്ഥർ തുടങ്ങിയവർ പങ്കെടുക്കും 

തിരുവനന്തപുരം കൃഷി ഓഫീസ് അറിയിച്ചു 

മീഡിയ വേൾഡ് ന്യൂസ് കോഴിക്കോട്