mediaworldlive news Kozhikode
കാക്കനാട്:
മതിയായ ചികിത്സ നല്‍കിയില്ലെന്ന പരാതിയിലാണ് വ്യത്യസ്ത നടപടിക്ക് എറണാകുളം ആര്‍.ടി.ഒ ജി.അനന്തകൃഷ്ണന്‍ നിര്‍ദേശം നല്‍കിയത്.
ജില്ലാ പട്ടികജാതി വികസന ഓഫിസ് ജീവനക്കാരിയായ സൗമ്യയുടെ മാതാവ് സുധര്‍മക്കാണ് അപകടത്തില്‍ പരിക്കേറ്റത്.
ദിവസങ്ങള്‍ക്ക് മുമ്പ് കലൂര്‍ മെട്രോ സ്റ്റേഷന് സമീപത്തായിരുന്നു സംഭവം. കാക്കനാട്-എറണാകുളം റൂട്ടിലോടുന്ന 'സഫ' എന്ന് പേരുള്ള ബസില്‍ കയറുന്നതിനിടെയാണ് അപകടം.
സുധര്‍മ കയറുന്നതിന് മുമ്പ് തന്നെ ബസ് മുന്നോട്ടെടുക്കുകയായിരുന്നു. ഇതോടെ റോഡില്‍ വീണ് ഇവര്‍ക്ക് പരിക്കേറ്റു.
യാത്രക്കാരും കച്ചവടക്കാരും ബഹളം വെച്ചതിനെ തുടര്‍ന്ന് ബസ് ജീവനക്കാര്‍ ആശുപത്രിയില്‍ എത്തിച്ചെങ്കിലും എക്സ്റേ എടുക്കുന്നത് ഉൾപ്പെടെ ചികിത്സക്ക് പണം നല്‍കിയില്ല. ഇതോടെ സൗമ്യ എറണാകുളം ആര്‍.ടി ഓഫിസില്‍ പരാതി നല്‍കുകയായിരുന്നു. പരാതി സ്വീകരിച്ച ആര്‍.ടി.ഒ ബസ് ജീവനക്കാരെയും ഉടമയെയും ഓഫിസില്‍ വിളിച്ചു വരുത്തി. ഹിയറിങ്ങില്‍ സംഭവം നടന്നതായി കണ്ടെത്തിയ സാഹചര്യത്തിലാണ് ജീവനക്കാരെ പാഠം പഠിപ്പിക്കുന്നതിനായി വ്യത്യസ്ത ശിക്ഷ വിധിച്ചത്. നിരവധി രോഗികള്‍ ചികിത്സക്കായി എത്തുന്ന എറണാകുളം ജനറല്‍ ആശുപത്രിയിലാണ് ഒരു ദിവസത്തെ ആശുപത്രി സേവനത്തിന് നിര്‍ദേശം നല്‍കിയിട്ടുള്ളത്.
മീഡിയ വേൾഡ് ലൈവ് ന്യൂസ് കൊച്ചി റിപ്പോർട്ട്
0 Comments