മലപ്പുറം ജില്ലയിലെ ചങ്ങരംകുളത്ത് ഇരുനില കെട്ടിടത്തില്‍ വന്‍ തീപിടുത്തം.



                     മലപ്പുറം: 

ചങ്ങരംകുളത്തെ സിറ്റി ടവറില്‍ സ്ഥിതി ചെയ്യുന്ന ഷോപ്പിനാണ് തീപിടിച്ചത്.


പൊന്നാനി യിൽ നിന്ന് വന്ന ഫയർ ഫോഴ്സ് വന്ന് തീയണച്ചത്  

തീപിടുത്തത്തില്‍ മൂന്നാമത്തെ നിലയില്‍ പ്രവര്‍ത്തിക്കുന്ന ബ്യൂട്ടി പാര്‍ലര്‍ പൂര്‍ണ്ണമായും കത്തി നശിച്ചു.

ഗ്ലാസുകള്‍ പൊട്ടിത്തെറിച്ചത് പരിഭ്രാന്തി പരത്തി. പൊന്നാനി ഫയര്‍ഫോഴ്സും ചങ്ങരംകുളം പൊലീസും നാട്ടുകാരും ചേര്‍ന്ന് തീ അയയ്ക്കാൻ സഹായ സഹകരണങ്ങൾ ചെയ്തു  

തീപിടുത്തത്തില്‍ ആളപായം റിപ്പോര്‍ട്ട് ചെയ്തിട്ടില്ല.

അതേസമയം, തൃശൂര്‍ കുട്ടനെല്ലൂരിലെ കാര്‍ ഷോറൂമിലുണ്ടായ തീപിടുത്തത്തില്‍ മൂന്ന് ആഢംബര കാറും കെട്ടിടവും പൂര്‍ണമായും കത്തി നശിച്ചു. മൂന്ന് കോടി രൂപയുടെ നഷ്ടം സംഭവിച്ചതായാണ് പ്രാഥമിക നിഗമനം.

ഇന്ന് രാവിലെ ആറ് മണിക്കാണ് സംഭവം. ഹൈസണ്‍ മോട്ടോഴ്സിന്‍റെ കുട്ടനെല്ലൂരിലെ രണ്ട് നില കെട്ടിടത്തിലാണ് തീപിടുത്തമുണ്ടായത്. പിന്‍ഭാഗത്ത് സര്‍വീസ് നടത്തുന്ന സ്ഥലത്താണ് ആദ്യം പുക ഉയര്‍ന്നത്. സുരക്ഷ ജീവനക്കാരന്‍ ഉടനെ ഫയര്‍ഫോഴ്സിനെ അറിയിച്ചു. തൃശൂര്‍ ജില്ലയിലെ ഏഴ് ഫയര്‍ഫോഴ്സ് യൂണിറ്റുകള്‍ ഒന്നര മണിക്കൂറോളം പരിശ്രമിച്ചാണ് തീ അണച്ചത്.

കാര്‍ ഷോറൂമിലും സര്‍വീസ് സെന്ററിലും ഉണ്ടായിരുന്ന കുറച്ച്‌ വാഹനങ്ങള്‍ പെട്ടെന്ന് നീക്കാന്‍ സാധിച്ചു. തീപിടുത്തത്തില്‍ മൂന്ന് ജീപ്പ് കോമ്ബസ് വാഹനവും, ഇരുനില കെട്ടിടവും പൂര്‍ണ്ണമായും കത്തിയമര്‍ന്നു. തീ ആളിപ്പടര്‍ന്നതോടെ ഷോറൂമിന്‍റെ ചില്ലുകള്‍ പൊട്ടിത്തെറിച്ചു. പ്ലാസ്റ്റിക് കോട്ടിങ്ങുള്ള തകര ഷീറ്റുകള്‍ക്കും, ഓയില്‍ കാനുകള്‍ക്കും തീപിടിച്ചതാണ് ആളിക്കത്താന്‍ കാരണം.

കെട്ടിടത്തില്‍ അഗ്നിരക്ഷാ പ്രതിരോധ ഉപകരണങ്ങള്‍ ഒന്നും ഉണ്ടായിരുന്നില്ല. പിന്‍വശത്ത് കാലിയായ ഓയില്‍ ടിന്നുകള്‍ കൂട്ടിയിട്ടിരുന്നതിന് തീപിടിച്ച്‌, മറ്റിടങ്ങളിലേക്ക് പടര്‍ന്നതാകാമെന്നാണ് ഫയര്‍ഫോഴ്സിന്റെ പ്രാഥമിക നിഗമനം.
മീഡിയ വേൾഡ് ലൈവ് ന്യൂസ് മലപ്പുറം

Post a Comment

0 Comments