Mediaworldlive news Kozhikode
കോഴിക്കോട്:
26/04/23
നവീകരിച്ച കണ്ടംകുളം സുവര്‍ണ്ണജൂബിലിഹാളിന് പ്രമുഖ സ്വാതന്ത്ര്യസമരസേനാനി മുഹമ്മദ് അബ്ദുറഹിമാന്‍ സാഹിബിന്റെ പേര് നല്‍കാനുള്ള കോഴിക്കോട് കോര്‍പ്പറേഷന്റെ തീരുമാനത്തെ മുഹമ്മദ് അബ്ദുറഹിമാന്‍ സാഹിബ് മെമ്മോറിയല്‍ കമ്മിറ്റി സ്വാഗതം ചെയ്യുകയും ഇതുമായി ബന്ധപ്പെട്ട് ചില കേന്ദ്രങ്ങളില്‍ നിന്നുയര്‍ന്ന വിമര്‍ശനം അനവസരത്തിലുള്ളതാണെന്ന് അഭിപ്രായപ്പെടുകയും ചെയ്തു.
മതനിരപേക്ഷത ഉയര്‍ത്തിപ്പിടിച്ച് ഇന്ത്യയുടെ സ്വാതന്ത്ര്യത്തിന് വേണ്ടി ധീരമായി പോരാടിയ മുഹമ്മദ് അബ്ദുറഹിമാന്‍ സാഹിബിനെപോലെയുള്ളവരെ വിസ്മൃതിയിലാക്കാന്‍ നടത്തുന്ന ശ്രമങ്ങള്‍ മതേതര ഇന്ത്യ ചെറുത്തുതോല്‍പ്പിക്കണമെന്ന് മെമ്മോറിയല്‍ കമ്മിറ്റി യോഗം അംഗീകരിച്ച പ്രമേയം അഭ്യര്‍ത്ഥിച്ചു.
കോഴിക്കോട് ചേര്‍ന്ന യോഗത്തില്‍ മുഹമ്മദ് അബ്ദുറഹിമാന്‍ മെമ്മോറിയല്‍ കമ്മിറ്റി പ്രസിഡന്റ് ഡോ. എന്‍. പി. ഹാഫിസ് മുഹമ്മദ് അധ്യക്ഷതവഹിച്ചു. ജനറല്‍ സെക്രട്ടറി ടി. കെ. എ. അസീസ്, പ്രൊഫ. എം. സി. വസിഷ്ഠ്, പി. എം. അബ്ദുറഹിമാന്‍, സിദ്ധീഖ് കുറ്റിക്കാട്ടൂര്‍, എം. പി. രാധാകൃഷ്ണന്‍, ടി. അബ്ദുല്‍ഷുക്കൂര്‍, വി. പി. രാജന്‍, റഷീദ് പി സി പാലം, എ. വി. ഫര്‍ദീസ്, മുസ്തഫ മുഹമ്മദ്, പി. എം. ഉസ്മാന്‍ എന്നിവര്‍ സംസാരിച്ചു.
മീഡിയ വേൾഡ് ന്യൂസ് കോഴിക്കോട്
0 Comments