ഒരുമാസംനീണ്ട ആരാധനാ കര്‍മങ്ങള്‍ക്കൊടുവില്‍ ചെറിയ പെരുന്നാള ആഘോഷിക്കുകയാണ്

mediaworldlive news Kozhikode 

കോഴിക്കോട്: 

22/04/23

വിശുദ്ധ റംസാന്‍ മുഴുക്കെ സല്‍പ്രവര്‍ത്തനങ്ങളില്‍ മുഴുകിയ തന്റെ പ്രിയപ്പെട്ട അടിമകള്‍ക്ക് നാഥന്‍ നല്‍കുന്ന സമ്മാനമാണ് ഈ ആഘോഷസുദിനം. റംസാന്‍ മനുഷ്യരെ പഠിപ്പിച്ച അനേകം പാഠങ്ങളുണ്ട്. അത് ജീവിതത്തിലുടനീളം പകര്‍ത്താനുള്ളവയാണ്. പാപങ്ങളില്‍നിന്നും മറ്റു ദൂഷ്യങ്ങളില്‍നിന്നുമെല്ലാം മുക്തരായി ശുദ്ധഹൃദയമുള്ള മനുഷ്യരായി മൂല്യങ്ങളുടെ പുതിയ ജീവിതം ആരംഭിക്കുന്ന വേളയാണ് പെരുന്നാള്‍. പുതുവസ്ത്രമോ വിശിഷ്ടവിഭവമോ മാത്രമല്ല, പെരുന്നാളെന്ന് ചുരുക്കം. ഉല്‍ക്കൃഷ്ട സ്വഭാവങ്ങള്‍ സ്വയംശീലിക്കാനും അവ മറ്റുള്ളവരിലേക്കും പടര്‍ത്താനുമുള്ള ഉണര്‍ത്തുപാട്ടുകള്‍ കൂടിയാണ് ഇത്തരം ആഘോഷങ്ങള്‍. സാമൂഹികമായിത്തന്നെ നന്മയുടെ തോതുയര്‍ത്തുന്നവ. ആഘോഷങ്ങള്‍ പ്രസക്തമാകുന്നത് അവയുടെ ബാഹ്യരൂപങ്ങളാല്‍ മാത്രമല്ലല്ലോ, പ്രത്യുത ആന്തരികമൂല്യങ്ങള്‍ കൊണ്ടുകൂടിയാണ്.

ഈദുല്‍ ഫിത്തര്‍ എന്നാണ് ചെറിയ പെരുന്നാളിന്റെ പേര്. നിര്‍ബന്ധ ബാധ്യതയായി നല്‍കേണ്ട ‘ഫിത്തര്‍ സകാത്’ എന്ന ദാനധര്‍മത്തിലേക്ക് ചേര്‍ത്താണ് ഇങ്ങനെ പറയുന്നത്. തനിക്കും തന്റെ ആശ്രിതര്‍ക്കും താമസം, ഭക്ഷണം, പാര്‍പ്പിടം തുടങ്ങിയവയ്ക്കുള്ള ചെലവുകള്‍ കഴിഞ്ഞ് ആരുടെയെല്ലാം കൈയില്‍ മിച്ച ധനമുണ്ടോ അവരെല്ലാം നിശ്ചിത കണക്കുപ്രകാരം നല്‍കുന്ന ദാനമാണ് ഇത്

മീഡിയ വേൾഡ് ന്യൂസ് കോഴിക്കോട്