നടൻ മാമുക്കോയ ആശുപത്രിയിൽ

mediaworldlive news Kozhikode 

മലപ്പുറം:

25/04/23/

ചലച്ചിത്ര നടൻ മാമുക്കോയയെ ദേഹാസ്വാസ്ഥ്യം വന്നതിനാൽ ആദ്യം വണ്ടൂർ ആശുപത്രി യിൽ  കാണിച്ചു  പിന്നീട് കോഴിക്കോട് മെഡിക്കൽ കോളജിലേക്ക് മാറ്റുകയും ചെയ്തു.

ദേഹാസ്വാസ്ഥ്യത്തെ തുടര്‍ന്ന് വണ്ടൂരിലെ സ്വകാര്യ ആശുപത്രിയിലെ തീവ്ര പരിചരണ വിഭാഗത്തില്‍ പ്രവേശിപ്പിച്ചിരുന്ന നടന്‍ മാമുക്കോയയെ കോഴിക്കോട്ടെ സ്വകാര്യ ആശുപത്രിയിലേയ്ക്ക് മാറ്റി.

ആരോഗ്യനില അല്‍പ്പം ഭേദപ്പെട്ടതിനെത്തുടര്‍ന്ന് പുലര്‍ച്ചെ രണ്ടരയോടെയാണ് മെഡിക്കല്‍ ഐ സി യു ആംബുലന്‍സില്‍ മാമുക്കോയയെ കോഴിക്കോട് ആശുപത്രിയില്‍ എത്തിച്ചത്. ഇവിടെ തീവ്രപരിചരണ വിഭാഗത്തില്‍ തുടരുകയാണ് അദ്ദേഹം.

വണ്ടൂര്‍ ആശുപത്രിയിലെ പരിശോധനയില്‍ മാമുക്കോയയുടെ ബി പിയും ഹൃദയമിടിപ്പും സാധാരണ നിലയിലായെന്ന് കണ്ടെത്തിയിരുന്നു. ആരോഗ്യ നിലയില്‍ പുരോഗതിയുണ്ടെങ്കിലും അദ്ദേഹം 72 മണിക്കൂ‌ര്‍ നിരീക്ഷണത്തില്‍ തുടരേണ്ടി വരുമെന്ന് ഡോക്ടര്‍ അജ്‌മല്‍ നാസിര്‍ പറഞ്ഞു.

ഇന്നലെ രാത്രി എട്ടുമണിയോടെ കാളികാവ് പൂങ്ങോടില്‍ സെവന്‍സ് ഫുട്ബാള്‍ ടൂര്‍ണമെന്റ് ഉദ്ഘാടന ചടങ്ങിനിടെ ദേഹാസ്വാസ്ഥ്യം അനുഭവപ്പെടുകയായിരുന്നു. ട്രോമ കെയര്‍ പ്രവ‌ര്‍ത്തകര്‍ സംഭവസ്ഥലത്ത് ഉണ്ടായിരുന്നതിനാല്‍ പെട്ടെന്നുതന്നെ അദ്ദേഹത്തിന് പ്രാഥമിക ചികിത്സ നല്‍കാന്‍ സാധിച്ചെന്ന് സംഘാടകര്‍ വ്യക്തമാക്കി.

മീഡിയ വേൾഡ് ന്യൂസ് മലപ്പുറം റിപ്പോർട്ട്