സൈക്കിൾ ക്ലിക്ക് പ്രൊജക്റ്റിന്റെ ഉത്ഘാടനം മന്ത്രി മുഹമ്മദ് റിയാസ് നിർവഹിച്ചു

പെരുമണ്ണ:

29/04/23/

പെരുമണ്ണ ഇ എം എസ് ഗവൺമെൻറ് ഹയർ സെക്കൻഡറി സ്കൂളിലെ സ്റ്റുഡൻറ് പോലീസ് കേഡറ്റുകളുടെ നേതൃത്വത്തിൽ നടപ്പാക്കുന്ന സൈക്കിൾ ക്ലിനിക്ക്  പ്രൊജക്റ്റിൻ്റെ ഉദ്ഘാടനം ബഹുമാനപ്പെട്ട കേരള പൊതുമരാമത്ത് ടൂറിസം വകുപ്പ് മന്ത്രി ശ്രീ.പി.എ. മുഹമ്മദ് റിയാസ് നിർവഹിച്ചു. 

വീടുകളിൽ ഉപയോഗിക്കാതെ കിടക്കുന്ന പഴയ സൈക്കിളുകൾ ശേഖരിച്ച് കേടുപാടുകൾ തീർത്ത് പ്രദേശത്തെ അർഹരായ വിദ്യാർത്ഥികൾക്ക് എത്തിച്ചു കൊടുക്കുന്നതാണ് സൈക്കിൾ ക്ലിനിക് എന്ന പ്രൊജക്ട് .നാം തകർത്ത പരിസ്ഥിതി സന്തുലനത്തെ അതിന്റെ പൂർവ്വാവസ്ഥയിലേക്ക് തിരികെ വെക്കേണ്ടത് നമ്മളാണ്. അതിനായി ആവും വിധം നമ്മൾ പരിശ്രമിക്കേണ്ടതുണ്ട് എന്ന തിരിച്ചറിവിൽ നിന്നാണ് *'സൈക്കിൾ ക്ലിനിക്'* ആശയത്തിന്റെ പിറവി.കുട്ടികളിൽ സഹജീവി സ്നേഹം വളർത്തിയെടുക്കുന്നതോടൊപ്പം ആരോഗ്യ സംരക്ഷണം, പരിസ്ഥിതി, ഊർജ്ജ സംരക്ഷണം, നൈപുണി വികസനം, പുനരുപയോഗ ശീലം വളർത്തൽ തുടങ്ങിയവയും ഈ പദ്ധതിയുടെ ലക്ഷ്യങ്ങളാണ്. ഇതിനോടനുബന്ധിച്ച് ഗ്രീൻ വാലി കാലിക്കറ്റുമായി സഹകരിച്ച് മൂന്ന് ദിവസത്തെ ഫ്ലവർ ഷോ, കലാസന്ധ്യ, ഫുഡ് കോർട്ട്, എക്സിബിഷൻ എന്നിവയും നടക്കുന്നുണ്ട്. പെരുമണ്ണ ഗ്രാമപഞ്ചായത്ത് പ്രസിഡണ്ട് ശ്രീ ഷാജി പുത്തലത്ത് അധ്യക്ഷനായ ചടങ്ങിൽ സ്കൂൾ പിടിഎ പ്രസിഡണ്ട് ശ്രീ രാമകൃഷ്ണൻ മല്ലിശ്ശേരി സ്വാഗതം പറഞ്ഞു. പെരുമണ്ണ ഗ്രാമപഞ്ചായത്ത് വൈസ് പ്രസിഡണ്ട് സി.ഉഷ, എസ്പിസി ജില്ലാ നോഡൽ ഓഫീസർ പ്രകാശൻ പടന്നയിൽ, ബ്ലോക്ക് പഞ്ചായത്ത് മെമ്പർ കെ അജിത ഗ്രാമപഞ്ചായത്ത് മെമ്പർ ഷമീർ കെ കെ, പന്തീരങ്കാവ് സർക്കിൾ ഇൻസ്പെക്ടർ ഗണേഷ് കുമാർ, പ്രിൻസിപ്പൽ കെ.സുഗതകുമാരി, ഹെഡ്മിസ്ട്രസ് ഷൈമള എൻ എം പി ടി എ പ്രസിഡണ്ട് ബബിത ഷറഫുദ്ദീൻ കെ എന്നിവർ സംസാരിച്ചു

മീഡിയ വേൾഡ് ന്യൂസ് കോഴിക്കോട്