സുബ്രഹ്മണ്യ ക്ഷേത്രത്തിൽ വമ്പൻ കവർച്ച

വടകര:

30/04/23/

കേരളത്തിലെ ചിലയിടങ്ങളിൽ 

കള്ളന്മാരുടെ രാത്രി കാലങ്ങളിൽ വിളയാട്ടം തുടരുന്നു നൈറ്റ് പട്രോളിങ് ഇല്ലാത്ത സ്ഥലങ്ങളിലാണ് ഇവരെ കൂടുതൽ കാണപ്പെടുന്നത് 

        

വടകര കോട്ടപ്പള്ളി സുബ്രഹ്മണ്യ ക്ഷേത്രത്തില്‍ കവര്‍ച്ച.സ്വര്‍ണ കിരീടം, മാല, സുബ്രഹ്മണ്യന്റെ വേല്‍, 10000 രൂപ എന്നിവ ഉള്‍പ്പെടെയുള്ളവയാണ് നഷ്ടപ്പെട്ടത്.

ഒരു ഭണ്ഡാരം പൊളിച്ച്‌ പണം അപഹരിച്ചിട്ടുണ്ട്. മറ്റൊന്ന് പൊളിക്കാന്‍ ശ്രമിച്ചെങ്കിലും വിജയിച്ചില്ല. ഒരുലക്ഷത്തോളം രൂപയുടെ നഷ്ടമുണ്ടായതായാണ് കണക്കാക്കുന്നത്.

പൂജ കഴിഞ്ഞശേഷം പൂജാരി താക്കോല്‍ ക്ഷേത്രത്തില്‍ തന്നെ വച്ചിരുന്നു. ഇതുപേയോഗിച്ച്‌ വാതില്‍ തുറന്നാണ് കവര്‍ച്ച നടത്തിയത്. ക്ഷേത്രത്തില്‍ നവീകരണ പ്രവര്‍ത്തനങ്ങള്‍ നടന്നുവരികയായിരുന്നു. കമ്മിറ്റിക്കാരുടെ പരാതിയെത്തുടര്‍ന്ന് പൊലീസ് അന്വേഷണമാരംഭിച്ചു.

അതേസമയം, പനവൂര്‍ വെളളാഞ്ചിറ ആയിരവില്ലി ധര്‍മ്മശാസ്താ ക്ഷേത്രത്തിലെ രണ്ട് വാതിലുകള്‍ തീയിട്ട് നശിപ്പിച്ചു.മോഷണ ശ്രമമായിരുന്നെന്ന് പൊലീസ് പറഞ്ഞു.വിലപിടിപ്പുളള സാധനങ്ങള്‍ ഒന്നും കിട്ടാത്തതിനാല്‍ അക്രമികള്‍ നിലവിളക്കുകളും തട്ടങ്ങളും സമീപത്തെ ചിറയിലെറിഞ്ഞു.കഴിഞ്ഞ ദിവസം രാത്രിയാണ് അക്രമികള്‍ ക്ഷേത്രത്തിനകത്തുകയറി വിറകുകള്‍ കൂട്ടിയിട്ട് മുന്‍വാതില്‍ കത്തിച്ചത്. ക്ഷേത്രോത്സവം തുടങ്ങാനിരിക്കെയാണ് സംഭവം. ശാസ്താവിന്റേയും ഗണപതിയുടേയും ശ്രീകോവിലുകളുടെ വാതികള്‍ക്കാണ് അക്രമികള്‍ തീയിട്ടത്.

വാതിലിനോട് ചേര്‍ന്ന് വിറകുകള്‍ കൂട്ടിയിട്ടശേഷം മണ്ണെണ്ണയോ, പെട്രോളോ ഒഴിച്ച്‌ തീയിടുകയായിരുന്നു.വാതിലുകള്‍ പൂര്‍ണ്ണമായും കത്തിനശിച്ചു. ക്ഷേത്രകമ്മിറ്റി ഭാരവാഹികള്‍ വിവരമറിയിച്ചതിനെ തുടര്‍ന്ന് പൊലീസും വിരലടയാളവിദഗ്ദ്ധരും സ്ഥലത്തെത്തി തെളിവുകള്‍ ശേഖരിച്ചു

വരുന്നു

മീഡിയ വേൾഡ് ന്യൂസ് കോഴിക്കോട്