കൊടുവള്ളി സ്വദേശി ത്വാഇഫിൽ കാറപകടത്തിൽ മരണപ്പെട്ടു

mediaworldlive news Kozhikode 

ജിദ്ദ:              

19/05/23/

ശറഫിയയില്‍ മൗലാന മദീന സിയാറ സ്ഥാപന നടത്തിപ്പുകാരന്‍ ഖാദര്‍ മുസ്‌ലിയാര്‍ കൊടുവള്ളി (50) ത്വാഇഫില്‍ വാഹനമിടിച്ചു മരിച്ചത്.

പതിവ് പോലെ ശറഫിയയില്‍ നിന്നും രണ്ട് ബസുകളിലായി സന്ദര്‍ശകരുമായി വെള്ളിയാഴ്ച രാവിലെ ത്വാഇഫിലെ ചരിത്രസ്ഥലങ്ങള്‍ സന്ദര്‍ശിക്കുന്നതിനായി പോയതായിരുന്നു.

ജുമുഅക്ക് മുമ്ബായി രാവിലെ 11.30 ഓടെ വിവിധ ചരിത്രസ്ഥലങ്ങള്‍ സന്ദര്‍ശകര്‍ക്കായി വിശദീകരിച്ചു നല്‍കിയശേഷം റോഡ് മുറിച്ചുകടക്കവെ അതിവേഗത്തില്‍ വന്ന കാര്‍ ഇദ്ദേഹത്തെ ഇടിച്ചു തെറിപ്പിക്കുകയായിരുന്നു. ഇടിയുടെ ആഘാതത്തില്‍ മുകളിലേക്ക് തെറിച്ചു പോയ ഇദ്ദേഹത്തിന് ഗുരുതരമായി പരിക്കേല്‍ക്കുകയും മരിക്കുകയുമായിരുന്നു.

സന്ദര്‍ശന വിസയിലെത്തിയ ഇദ്ദേഹത്തിന്റെ ഭാര്യയും കുട്ടികളും അപകടം നടക്കുമ്ബോള്‍ കൂടെ ഉണ്ടായിരുന്നു. മൃതദേഹം ത്വാഇഫ് കിങ് അബ്ദുല്‍ അസീസ് ആശുപത്രി മോര്‍ച്ചറിയില്‍ സൂക്ഷിച്ചിരിക്കുന്നു.

പിതാവ്: ഉണ്ണിമോയി കുനിപ്പാലില്‍, ഭാര്യ: നദീറ, മക്കള്‍: സവാദ്, സാബിത്ത്, ഫാത്തിമ സന്‍വ, സഹോദരങ്ങള്‍: ഔഫ്, ഖിറാഷ്, ഹാരിസ്, ഉനൈസ്. എന്നിവരാണ്

മീഡിയ വേൾഡ് ന്യൂസ് സൗദി റിപ്പോർട്ട്