ഗ്രാമീണ സംസ്ക്കാരം ഓരോ പ്രദേശത്തിനും അനിവാര്യം ഫോക് ലോർ അക്കാദമി മുൻ സെക്രട്ടറി എം പ്രദീപ് കുമാർ-

                   

Media world live news Kozhikode Kerala 

കുന്ദമംഗലം :         

23/08/2024

ഗ്രാമീണ സംസ്ക്കാരം ഓരോ പ്രദേശത്തിനും അനിവാര്യ ഘടകമാണെന്നും , ഓരോ പ്രദേശത്തിൻ്റേയും  നാടോടിത്തനിമ അതാത് പ്രദേശങ്ങളിൽ നിലനിർത്തണമെന്നും  ഫോക്‌ലോർ അക്കാദമി മുൻ സിക്രട്ടറിയും , സാംസ്കാരിക പ്രവർത്തകനുമായ എം. പ്രദീപ് കുമാർ പറഞ്ഞു - ഫോക് ആർട്സ് സ്റ്റുഡൻസ് കൗൺസിൽ കുന്ദമംഗലത്ത്   കല്ലറ ഗോപി നഗറിൽ  വെച്ച് നടത്തിയ ലോക ഫോക്‌ലോർ ദിനാചരണ പരിപാടി ഉദ്ഘാടനം ചെയ്തു സംസാരിക്കുകയായിരുന്നു അദ്ധേഹം -                                        

ഫാസ്ക് ചെയർമാൻ ഒ.ടി.വി.ചൂലൂരിൻ്റെ അദ്ധ്യക്ഷതയിൽ ചേർന്ന ദിനാചരണ പരിപാടിയിൽ പ്രശസ്ത ഫോക്‌ലോറിസ്റ്റ്  ഡോ: വി. കെ. ദീപേഷ് ഫോക്‌ലോർ സന്ദേശം നൽകി - പാരമ്പര്യ തുടി വാദ്യകലാകാരൻ  ആമ്പ്രമ്മൽ കൃഷ്ണൻകുട്ടി , തുടി വാദനത്തിൽ  ബെസ്റ്റ് ഓഫ് ഇന്ത്യ  ലോക റിക്കാർഡിൽ അംഗമായ അനിൽകുമാർ പിലാശ്ശേരി,  പ്രശസ്ത നാടൻപാട്ട് കലാകാരി കൂടത്താലുമ്മൽ ശോഭന എന്നിവരെ  കിർത്താർഡ്‌സ് ഡെ: ഡയരക്ടർ  ഡോ : കെ.എസ് . പ്രദീപ് പൊന്നാടയും , പ്രശസ്തി പത്രവും , ഫലകവും നൽകി ആദരിച്ചു. 

പാരമ്പര്യ വാദ്യമായ തുടി , നാടൻപാട്ട് , വഞ്ചിപ്പാട്ട് എന്നീ വിവിധ കോഴ്സുകളുടെ ഉദ്ഘാടനം കോഴിക്കോട് സർവ്വകലാശാല ഫോക്‌ലോർ വിഭാഗം  മേധാവി ഡോ: ജിഷ  സി കെ ഉദ്ഘാടനം ചെയ്തു . ഫാസ്ക് രക്ഷാധികാരി ചേളന്നൂർ പ്രേമൻ കോഴ്സിൻ്റെ വിശദീകരണം നടത്തി - ഫാർക്ക് പ്രതിനിധി ദിനേശ് പുല്ലൂരാൻ , ഇടം സാംസ്‌കാരികവേദി പ്രതിനിധി വിജയൻ പന്തീർപാടം എന്നിവർ ആശംസകൾ പറഞ്ഞു. ഫാസ്ക് സിക്രട്ടറി മണിരാജ് പൂനൂർ സ്വാഗതവും പ്രോഗ്രാം കോ- ഓഡിനേറ്റർ ബാബു അടുവാട് നന്ദിയും പറഞ്ഞു - തുടർന്ന് കോഴിക്കോട്  തന്തോയ കൂട്ടം അവതരിപ്പിച്ച നാടൻ പാട്ടുകളും അരങ്ങേറി -

മീഡിയ വേൾഡ് ലൈവ് ന്യൂസ് കോഴിക്കോട്.

വാർത്തകൾ ലൈവായി അറിയുവാൻ ഞങ്ങളുടെ വാട്സ്ആപ്പ് ഗ്രൂപ്പ് ഓൺലൈൻ വെബ്സൈറ്റ് സന്ദർശിക്കുക.

www.mediaworldlive.com

Kozhikode Kerala.

Follow this link to join my WhatsApp group: https://chat.whatsapp.com/BSoZA9PEqKC0PmIBczryjY