കലാഭവൻ മണി കേരളത്തിലെ പാവപ്പെട്ട വരുടെ കൈത്താങ്ങായിരുന്നു

mediaworldlive news Kozhikode 

നമ്മിൽ നിന്നും വിടപറഞ്ഞ കേരള കരയിലെ  കലാപ്രേമികളിൽ ഇന്നും ഒരു കൂട്ടുകാരനായി നിലനിൽക്കുന്ന കലാഭവൻ മണിയെന്ന കലാകാരൻ നിരവധി പേർക്ക് സഹായിയായി ട്ടുണ്ട്  അതിൽ ഒരാളാണ് ഓട്ടോ ഡ്രൈവർ രേവത്

അദ്ദേഹത്തിന്റെ മരണം താനിന്നും വിശ്വസിച്ചിട്ടില്ലെന്നും എന്നെങ്കിലും മണിച്ചേട്ടന്‍ തിരികെ വരുമെന്ന് തന്നെയാണ് പ്രതീക്ഷിക്കുന്നതെന്നുമാണ് രേവത് പറയുന്നത്. ബിഹൈന്‍വുഡ്സ് ഐസിന് നല്‍കിയ അഭിമുഖത്തില്‍ സംസാരിക്കുകയായിരുന്നു രേവത്. കലാഭവന്‍ മണിയെപ്പോലെ തന്നോട് സഹായം അഭ്യര്‍ഥിക്കുന്നവരേയെല്ലാം കഴിയും വിധം സഹായിക്കുന്നുണ്ട് രേവതും.

'ചില സമയങ്ങളില്‍ ഒരു നേരം വീട്ടില്‍ ഭക്ഷണം വെക്കാനുള്ള പൈസ പോലും കൈയ്യില്‍ ഉണ്ടാവാറില്ല. ആ സമയത്തും ഞാന്‍ സൗജന്യമായി കാന്‍സര്‍ രോഗികളുമായി തിരുവനന്തപുരം ആര്‍സിസിയിലേക്ക് ഓട്ടം പോകാറുണ്ട്. കലാഭവന്‍ മണിച്ചേട്ടന്‍ എനിക്ക് ദൈവ തുല്യനാണ്. മൂന്നാം ക്ലാസില്‍ പഠിക്കുന്ന സമയത്ത് ഞാന്‍ ലോട്ടറി വിറ്റ് നടന്നിരുന്ന കാലത്ത് എന്നെ കാണാന്‍ ആഗ്രഹിച്ച്‌ മണിച്ചേട്ടന്‍ വിളിപ്പിച്ചിരുന്നു. അന്ന് അദ്ദേഹത്തിന്റെ മാനേജരുടെ വിവാഹ ചടങ്ങിലേക്ക് എന്നെ മണിച്ചേട്ടന്‍ ക്ഷണിച്ചു. അവിടെ വെച്ചാണ് അദ്ദേഹത്തെ ആദ്യമായി കണ്ടത്. അന്ന് എന്റെ കൈയ്യില്‍ ഉണ്ടായിരുന്ന 29 ബംബര്‍ ലോട്ടറി ടിക്കറ്റുകള്‍ മണിച്ചേട്ടന്‍ വാങ്ങി 5000 രൂപ തന്നു. കൂടാതെ എനിക്ക് ഡ്രസ്സും മറ്റ് സാധനങ്ങളുമെല്ലാം അദ്ദേഹം വാങ്ങി തന്നു.

മരിക്കുന്നത് വരെ പറ്റുന്നത് പോലെയെല്ലാം അദ്ദേഹം എന്നേയും കുടുംബത്തേയും സഹായിച്ചു. എന്റെ ചേച്ചിയെ നഴ്സിങ് പഠിപ്പിക്കാന്‍ പണം തന്നതും മണിച്ചേട്ടനാണ്. വീട്ടിലേക്ക് കറന്റ് കിട്ടാന്‍ കാരണവും മണിച്ചേട്ടനാണ്. ഞാന്‍ കഷ്ടപ്പെടുന്നത് കണ്ട് മണിച്ചേട്ടന്‍ എനിക്കൊരു ഓട്ടോറിക്ഷ വാങ്ങിത്തന്നിരുന്നു. പക്ഷെ പിന്നീട് മണിച്ചേട്ടന്റെ വീട്ടുകാര്‍ അത് എന്നില്‍ നിന്നും തിരികെ വാങ്ങി. അന്ന് കേസൊക്കെ ഉണ്ടായിരുന്നു.

പിന്നീട് ഒരിക്കല്‍ ഉത്സവപറമ്ബില്‍ കാസറ്റ് വില്‍പ്പന നടത്തികൊണ്ടിരിക്കവെയാണ് പോലീസുകാര്‍‌ വന്ന് മണിച്ചേട്ടന്‍ മരിച്ചുവെന്ന് പറഞ്ഞത്. അന്ന് പോലീസുകാര്‍ പറഞ്ഞത് കേട്ടത് എനിക്ക് വിശ്വസിക്കാനായില്ല. ഞാന്‍ ബോധം കെട്ട് വീണു. ഇന്നും ഞാന്‍ വിശ്വസിക്കുന്നത് മണിച്ചേട്ടന്‍ തിരിച്ചുവരുമെന്നാണ്. തൃശൂര്‍ ടൗണ്‍ പെര്‍മിറ്റാണ് എനിക്കുള്ളത്. മണിച്ചേട്ടന്‍ ചെയ്യാതെ പോയെ കുറെ കാര്യങ്ങളുണ്ട് ഇവിടെ. അതുകൊണ്ടാണ് നിര്‍ധനരായിട്ടള്ളവര്‍ അവരുടെ കഥ പറയുമ്ബോള്‍ ‍ഞാന്‍ അവരെ സഹായിക്കുന്നത്. എനിക്ക് സ്വന്തമായി വീടില്ല. മാമനൊപ്പമാണ് താമസിക്കുന്നത്', രേവത് പറയുന്നു.

മീഡിയ വേൾഡ് ന്യൂസ് കൊച്ചി