കിണറിലിറങ്ങു ന്നവരുടെ ശ്രദ്ധയ്ക്ക് പെട്ടെന്ന് ചിന്തിക്കാതെ കിണറിൽ ഇറങ്ങിയാൽ ജീവൻ . നഷ്ടപ്പെട്ടേക്കാം

mediaworldlive news Kozhikode

മലപ്പുറം:

26/04/23

കിണർ ജോലി ക്കാരും ഉപയോഗ ശൂന്യമായ പഴേ കിണറുകൾ വൃത്തിയാക്കി ജീവിതം നയിക്കുന്ന വരും നമ്മുടെ നാട്ടിൽ ഒത്തിരി യുണ്ട് അവരുടെ ശ്രദ്ധ യ്ക്കാണ് ഈ കുറിപ്പ് നൽകുന്നത്  

വേനല്‍ രൂക്ഷമായതോടെ കുടിവെള്ളത്തിനായി പഴയ കിണറിലെ ചെളി നീക്കം ചെയ്തു വൃത്തിയാക്കുന്നതും ആഴം കൂട്ടലുമൊക്കെ തകൃതിയായി നടക്കുന്നുണ്ട്

ശരിയായ രീതിയിലല്ലാതെ കിണര്‍ വൃത്തിയാക്കാനിറങ്ങി അപകടത്തില്‍പെട്ട് ഫയര്‍ഫോഴ്സിന്റെ സഹായം അഭ്യര്‍ത്ഥിക്കുന്നവരുടെ എണ്ണവും കൂടിയിട്ടുണ്ട്. മലപ്പുറം മേല്‍മുറിയില്‍ കിണറില്‍ നിന്ന് കയറുന്നതിനിടെ തെന്നിവീണ് ചികിത്സയിലിരിക്കെ ഒരാള്‍ മരണപ്പെടുകയുണ്ടായി. കിണറിലെ ഓക്സിജന്റെ അളവ് കുറഞ്ഞതും വിഷവാതകങ്ങളുടെ സാന്നിദ്ധ്യവുമാണ് അപകടങ്ങളിലേക്ക് നയിക്കുന്നത്. നോമ്ബ് കഴിയുകയും മഴ മാറി നില്‍ക്കുകയും ചെയ്യുന്നതിനാല്‍ കിണര്‍ പ്രവൃത്തികള്‍ കൂടുമെന്ന വിലയിരുത്തലിലാണ് ഫയര്‍ഫോഴ്സ്. കിണര്‍ വൃത്തിയാക്കാന്‍ ഇറങ്ങുമ്ബോള്‍ മുന്‍കരുതലുകളെടുത്താല്‍ അപകടങ്ങള്‍ ഒഴിവാക്കാമെന്ന് ഫയര്‍ഫോഴ്സ് അധികൃതര്‍ പറയുന്നു. അന്തരീക്ഷ വായുവില്‍ 20 ശതമാനത്തില്‍ താഴെ ഓക്സിജന്റെ അളവ് വന്നാല്‍ ശ്വാസതടസ്സം അനുഭവപ്പെടാം. കിണറ്റില്‍ നില്‍ക്കുന്ന സമയത്തെ മാനസികനില പ്രശ്നം ഗുരുതരമാക്കും.

ജീവവായു ഉറപ്പാക്കണം

സൂര്യപ്രകാശം നേരിട്ടേല്‍ക്കുന്ന മിക്ക കിണറുകളിലും ആവശ്യത്തിന് ഓക്സിജന്‍ ഉണ്ടാവാറുണ്ടെങ്കിലും ചിലപ്പോള്‍ മണ്ണിന്റെ പ്രത്യേകതകളാലും രാസവസ്തുക്കളുടെ സാന്നിദ്ധ്യത്താലും കിണറുകളില്‍ മറ്റ് വിഷവാതകങ്ങള്‍ ഉണ്ടാവാറുണ്ട്. ഇതു തിരിച്ചറിയാന്‍ ഒരുബക്കറ്റില്‍ അല്‍പ്പം മണ്ണോ മണലോ നിറച്ച്‌ മെഴുകുതിരിയോ വിളക്കോ കത്തിച്ച്‌ മണ്ണില്‍ ഉറപ്പിച്ച ശേഷം സാവധാനം കയറിന്റെ സഹായത്താല്‍ കിണറ്റിലേക്കിറക്കുക. ഒരുമിനിട്ട് നേരം കഴിഞ്ഞ് തീനാളം അണയുന്നില്ലെങ്കില്‍ ഓക്സിജന്റെ സാന്നിദ്ധ്യം ഉറപ്പിക്കാം. 

തീയണഞ്ഞാല്‍ കിണറ്റില്‍ അപകടം പതിയിരിക്കുന്നെന്ന് മനസ്സിലാക്കണം. ചില സമയത്ത് കിണറ്റില്‍ സ്‌ഫോടന ശബ്ദത്തോടെ തീ ആളിക്കത്തും. പാചകവാതകമായി ഉപയോഗിക്കുന്ന മീഥൈന്‍ പോലുള്ള വാതകങ്ങളുടെ സാന്നിദ്ധ്യമാണ് അതിന് കാരണം.

കിണറ്റിലെ ഓക്സിജന്‍ കൂട്ടാം

ധാരാളം ഇലകളുള്ള മരത്തിന്റെ ചില്ല കപ്പിയും കയറുമുപയോഗിച്ച്‌ പല തവണ കിണറ്റിലേയ്ക്ക് ഇറക്കുകയും ഉയര്‍ത്തുകയും ചെയ്യുന്നതിലൂടെ ഓക്സിജന്റെ അളവ് എളുപ്പത്തില്‍ കൂട്ടാനാവും. ഒരുപരിധി വരെ വിഷവാതകങ്ങളെ പുറത്തേക്ക് തള്ളുന്നതിനും ഇതു സഹായിക്കും. ടേബിള്‍ഫാനും 

എക്സ്‌ഹോസ്റ്റ് ഫാനും കെട്ടിയിറക്കിയും മുകളില്‍ നിന്ന് പ്രവര്‍ത്തിപ്പിച്ചും ഇതുപോലെ ഓക്സിജന്‍ കിണറ്റിലെത്തിക്കാനും മറ്റ് വാതകങ്ങളെ പുറന്തള്ളാനും സാധിക്കും. വീണ്ടും മെഴുകുതിരി പരീക്ഷണം ആവര്‍ത്തിച്ച്‌ നാളം അണയാത്ത സ്ഥിതി വന്നാല്‍ മാത്രം കിണറ്റില്‍ ഇറങ്ങുക. പേപ്പറും തുണിയും കത്തിച്ച്‌ കിണറ്റിലേക്കിട്ടാണ് സാധാരണ ഈ പരിശോധന നടത്താറുള്ളത്. തീ അണഞ്ഞത് ഓക്സിജന്റെ അഭാവത്താലാണെന്ന് ഉറപ്പിക്കാന്‍ പ്രയാസമാവും. അല്‍പ്പനേരം കത്തി നിന്ന് തീ അണയുന്ന സാഹചര്യങ്ങളും തിരിച്ചറിയാനാവാതെ പോകും. വെള്ളം വറ്റിക്കാന്‍ മണ്ണെണ്ണ, ഡീസല്‍ മോട്ടോറുകള്‍ ഉപയോഗിച്ചാല്‍ വീണ്ടും കിണറ്റിലിറങ്ങും മുമ്ബ് മെഴുകുതിരി പരീക്ഷണം നടത്തണം. ജീവന് ഭീഷണിയാകുന്ന കാര്‍ബണ്‍ മോണോക്സൈഡ് മോട്ടോറിന്റെ പുകക്കൊപ്പം രൂപം കൊള്ളാന്‍ സാദ്ധ്യതയുണ്ട്.

തിരികെ കയറുന്ന സമയത്താണ് പലപ്പോഴും അപകടങ്ങള്‍ സംഭവിക്കാറുള്ളത്. ഏറെനേരം ഓക്സിജന്‍ കുറഞ്ഞ സ്ഥലത്ത് ശ്രമകരമായ ജോലികള്‍ ചെയ്ത ഒരാള്‍ക്ക് ശരീരത്തില്‍ ഓക്സിജന്റ അളവ് വളരെ കുറവായിരിക്കും. കൈകാലുകള്‍ക്ക് ബലക്കുറവുണ്ടാവും. ഇത് വകവയ്ക്കാതെ കയറാന്‍ ശ്രമിക്കുമ്ബോഴാണ് മിക്കവാറും പിടിവിട്ട് വീണ് പരിക്കേല്‍ക്കുന്നത്. ഇത്തരം സാഹചര്യങ്ങളില്‍ പരിശീലനം നേടിയ രക്ഷാപ്രവര്‍ത്തകരുടെ സഹായം തേടണം. 101 ലേക്ക് വിളിക്കാം.

ഇ.കെ.അബ്ദുല്‍ സലീം,

മലപ്പുറം ഫയര്‍ സ്റ്റേഷന്‍ ഓഫീസര്‍

മീഡിയ വേൾഡ് ന്യൂസ് മലപ്പുറം