പറന്നുയരുന്ന ഫ്ലൈറ്റിന് തീപിടിച്ചു

കാഠ്മണ്ഡു വിമാനത്താവളത്തിൽ നിന്നും പറന്നുയർന്ന ഫ്ലൈദുബൈ വിമാനത്തിനാണ് തീപിടിച്ചത് 

കഠ്മണ്ഡു:               

25/04/23

ഫ്‌ളൈ ദുബായ് വിമാനത്തിന് തീപിടിച്ചു. നേപ്പാളിലെ കഠ്മണ്ഡു ത്രിഭുവന്‍ രാജ്യാന്തര വിമാനത്താവളത്തില്‍ നിന്ന് ദുബായിലേക്കു പറന്നുയര്‍ന്ന വിമാനത്തിന്റെ എഞ്ചിനിലാണ് തീ പിടിച്ചത്. 150ഓളം യാത്രക്കാര്‍ വിമാനത്തിലുണ്ടായിരുന്നു. ടേക്ക് ഓഫിനു തൊട്ടുപിന്നാലെയാണ് തീ കണ്ടത്. തുടര്‍ന്ന് വിമാനം അടിയന്തരമായി നിലത്തിറക്കുന്നതിനായി നിര്‍ദ്ദേശം നല്‍കി. അതിനുള്ള സജ്ജീകരണങ്ങള്‍ എല്ലാം ചെയ്‌തെങ്കിലും, അതിനിടെ തന്നെ പ്രശ്‌നം പരിഹരിച്ചതോടെ വിമാനം ദുബായിലേക്കു തന്നെ പറന്നു. സുരക്ഷിതമായി വിമാനം നിലത്തിറക്കി.

എഞ്ചിനില്‍ പക്ഷി ഇടിച്ചതിനെതുടര്‍ന്നാണ് ഈ സാഹചര്യമുണ്ടായതെന്നാണ് പ്രാഥമിക വിലയിരുത്തല്‍. തീ കണ്ടതോടെ അടിയന്തര ലാന്‍ഡിങിന് നിര്‍ദ്ദേശം വന്നു. എന്നാല്‍ അപകടമില്ലെന്ന് ഉറപ്പാക്കിയ ശേഷം അടിയന്തര ലാന്‍ഡിങ് കൂടാതെ തന്നെ യാത്ര തുടരാന്‍ തീരുമാനിക്കുകയായിരുന്നു. പ്രാദേശിക സമയം രാത്രി 12.11 ന് വിമാനം സുരക്ഷിതമായി ദുബായില്‍ ലാന്‍ഡ് ചെയ്തതായി ഫ്‌ളൈ ദുബായ് അധികൃതരെ ഉദ്ധരിച്ച്‌ ദുബായ് മീഡിയ ഓഫിസ് സ്ഥിരീകരിച്ചു.

കഠ്മണ്ഡുവില്‍ നിന്ന് ദുബായിലേക്ക് പോകാനായി പറന്നുയര്‍ന്ന വിമാനത്തിന്റെ ഒരു എന്‍ജിനിലാണ് തീ കണ്ടത്. ഉടന്‍ തന്നെ അടിയന്തര ലാന്‍ഡിങ്ങിനായി വിമാനത്താവളത്തില്‍ അറിയിപ്പു നല്‍കിയെങ്കിലും പ്രശ്‌നം പരിഹരിക്കാനായി. തീപിടിച്ച എന്‍ജിന്‍ ഉടന്‍ ഓഫ് ചെയ്തതോടെ തീ അണഞ്ഞതായി അധികൃതര്‍ അറിയിച്ചു. രാത്രി 9.25നാണ് വിമാനത്തിന് തീപിടിച്ചതായി വിവരം ലഭിച്ചത്. വിമാനത്താവളത്തില്‍നിന്ന് പറന്നുയര്‍ന്ന ഉടന്‍ വിമാനത്തിന് തീപിടിച്ച ദൃശ്യം ഒട്ടേറെയാളുകള്‍ സമൂഹമാധ്യമങ്ങളില്‍ പങ്കുവച്ചിരുന്നു. ആശങ്കപ്പെടേണ്ട സാഹചര്യമില്ലെന്ന് നേപ്പാള്‍ വ്യോമയാന മന്ത്രി സുദന്‍ കിരാതിയും ഫേസ്‌ബുക്കിലൂടെ അറിയിച്ചു.

പ്രശ്‌നം ശ്രദ്ധയില്‍പ്പെട്ട ഉടന്‍ തന്നെ ആ എന്‍ജിന്‍ അല്‍പസമയത്തേക്ക് ഓഫ് ചെയ്തിരുന്നു. എന്തായാലും ഇപ്പോള്‍ പ്രശ്‌നങ്ങളൊന്നുമില്ല. കഠ്മണ്ഡു വിമാനത്താവളത്തില്‍ ഇറക്കാതെ തന്നെ വിമാനം ദുബായിലേക്ക് പറന്നു' നേപ്പാള്‍ സിവില്‍ ഏവിയേഷന്‍ അഥോറിറ്റി ഡപ്യൂട്ടി ഡയറക്ടര്‍ പിന്നാലെ വ്യക്തമാക്കി.

മീഡിയ വേൾഡ് ന്യൂസ് ഗൾഫ് റിപ്പോർട്ട്