ഞെട്ടിക്കുന്ന കാഴ്ചകൾ കയ്യിലുള്ള പണം നൽകി വിഷം വാങ്ങി കഴിക്കുന്നത് ശ്രദ്ധിക്കുക

കോഴിക്കോട് 

24/04/23

മാമ്പഴം വാങ്ങാൻ പോകുമ്പോൾ ഒന്ന്  ശ്രദ്ധിക്കേണ്ടത് നന്നായിരിക്കും 

കോഴിക്കോട്: 

വഴിയോരങ്ങളില്‍ നിരത്തിവച്ചിരിക്കുന്ന കൊതിയൂറും മാമ്ബഴം വാങ്ങാന്‍ വരട്ടെ, മായം കലര്‍ന്ന മാമ്ബഴങ്ങള്‍ പണി തരാന്‍ സാദ്ധ്യതയുണ്ട്

മാമ്ബഴം പഴുപ്പിക്കാന്‍ കാല്‍സ്യം കാര്‍ബൈഡും എഥിലിനും പ്രയോഗിക്കുന്നത് ‌ വ്യാപകമായതോടെ ഭക്ഷ്യസുരക്ഷാ ഉദ്യോഗസ്ഥര്‍ പരിശോധന ശക്തമാക്കി. കഴിഞ്ഞ ദിവസങ്ങളില്‍ കൊല്ലത്ത് നിന്നടക്കം ഈ വിഷരാസവസ്തുക്കള്‍ ചേര്‍ത്ത് പഴുപ്പിച്ച മാമ്ബഴം ഭക്ഷ്യസുരക്ഷാ ഉദ്യോഗസ്ഥര്‍ പിടി കൂടിയിരുന്നു. കര്‍ണാടക, തമിഴ്‌നാട് തുടങ്ങിയ ഇടങ്ങളില്‍ നിന്നാണ് മായം കലര്‍ന്ന മാമ്ബഴം കേരളത്തിലേക്ക് ധാരാളമായി എത്തുന്നത്.

അധിക വിളവ് ലഭിക്കുന്ന സമയത്ത് പാകമാകാത്ത മാങ്ങ ചെറിയ വിലയ്ക്ക് സംഭരിക്കുന്ന വന്‍കിട വ്യാപാരികള്‍ വില ഉയരുമ്ബോള്‍ ഇഷ്ടാനുസരണം പഴുപ്പിക്കുന്നതിനാണ് ഇത്തരം രാസവസ്തുക്കള്‍ ഉപയോഗിക്കുന്നത്. മാങ്ങ നിറച്ച പെട്ടികളില്‍ കാല്‍സ്യം കാര്‍ബൈഡ് കടലാസ് പൊതികളിലാക്കി വെയ്ക്കുക, മുറിക്കുള്ളില്‍ കൂട്ടിയിട്ട മാങ്ങയില്‍ വന്‍തോതില്‍ കാര്‍ബൈഡ് പൊടി വിതറുക, കാര്‍ബൈഡ് ലായനി സ്‌പ്രേ ചെയ്യുക, എഥിലിന്‍ പൊടിരൂപത്തില്‍ നിറച്ച ചാക്കുകള്‍ ഉപയോഗിക്കുക തുടങ്ങിയ രീതികളാണ് മാമ്ബഴം കൃത്രിമമായി പഴുക്കാനായി ചെയ്യുന്നത്. ഇങ്ങനെ മായം ചേര്‍ക്കുന്ന മാങ്ങകള്‍ ഒരു ദിവസം കൊണ്ട് പഴുത്തു കിട്ടും. കാല്‍സ്യം കാര്‍ബൈഡാണ് പഴങ്ങള്‍ വേഗം പഴുപ്പിക്കുന്നതിനായി കച്ചവടക്കാര്‍ പലപ്പോഴും ഉപയോഗിക്കുകയെങ്കിലും എഥിലിന്‍ കണ്ടെത്തിയതിനെ തുടര്‍ന്നാണ് ഇതും ‌വ്യാപകമായി ഉപയോഗിക്കാന്‍ തുടങ്ങിയത്.

മാത്രമല്ല, കച്ചവടക്കാര്‍ ഉപഭോക്താക്കളെ വിശ്വസിപ്പിക്കാന്‍ വിഷം കുത്തിവച്ച്‌ പഴുപ്പിച്ച മാങ്ങ വെച്ചിരിക്കുന്ന കുട്ടയില്‍ കച്ചിയും നിറച്ചിരിക്കും. കച്ചിയില്‍ വെച്ച്‌ പഴുപ്പിച്ച മാമ്ബഴം വിഷരഹിതമായതിനാല്‍ വിശ്വാസത്തോടെ വാങ്ങിക്കഴിക്കുകയും ചെയ്യും. കിലോയ്‌ക്ക് 50 രൂപ മുതല്‍ വിപണിയില്‍ മാമ്ബഴം ലഭ്യമാണ്. വിളയാത്ത മാമ്പഴം കേരളത്തിനകത്തും പഴുപ്പിക്കുന്നുണ്ട്

ഓരൊ ആഘോഷങ്ങൾ മാറി വരുമ്പോൾ ഭക്ഷ്യ പഴങ്ങളും മറ്റും വിഷം കലർന്ന താണ് നമ്മൾ അറിയാതെ വയറ്റിലായി കഠിനമായ രോഗങ്ങൾ വരുത്തി വെക്കുന്നത് 

മീഡിയ വേൾഡ് ന്യൂസ് കോഴിക്കോട്