സി എം വലിയുല്ലാഹി ആണ്ട് നേർച്ചക്ക് പ്രൗഢമായ തുടക്കം

മടവൂർ: 

24/04/23

സി.എംവലിയുല്ലാഹി മഹാനവർകളുടെ 33 ആം ആണ്ട് നേർച്ചയ്ക്ക് പ്രൗഢമായ തുടക്കം കുറിച്ചു.ഇന്നലെ രാവിലെ നടന്ന മഖാം സിയാറത്തിന്ന് സി എം വലിയുള്ളാഹിയുടെ സഹോദര പുത്രൻ സി എം മുഹമ്മദ് അബൂബക്കർ സഖാഫി നേതൃത്വം നൽകി.                                          

തുടർന്ന് നടന്ന ഉദ്ഘാടന സംഗമം യുകെ അബ്ദുൽ മജീദ് മുസ്ലിയാരുടെ അധ്യക്ഷതയിൽ സയ്യിദ് മഷ്ഹൂർ മുല്ലക്കോയ തങ്ങൾ വാവാട് ഉദ്ഘാടനം ചെയ്തു.അബ്ദുൽ ഖാദർ മദനി കൽത്തറ, സി.കെ മുഹമ്മദ് ബാഖവി, കെ.ടി ഇസ്മായിൽ സഖാഫി പെരുമണ്ണ, ഷംസുദ്ദീൻ മുസ്‌ലിയാർ കഴകൂട്ടം കെ വി അബ്ദുല്ല മുസ്‌ലിയാർ ഡോ:ഫസൽ സഖാഫി നരിക്കുനി സംസാരിച്ചു. 

ജാബിർ സഖാഫി ഓമശ്ശേരി,അബൂബക്കർ മുഈനി ഒളവണ്ണ മൗലിദിന് നേതൃത്വം നൽകി.രാത്രി നടന്ന  അനുസ്മരണ പ്രഭാഷണത്തിൽ മുസ്തഫൽ ഫാമിലി കരീറ്റിപ്പറമ്പ് മുഖ്യപ്രഭാഷണം നടത്തി.ഷാഫി അഹ്സനി കാമിൽ സഖാഫി,ഹാഫിള് സിനാൻ കരീറ്റിപറമ്പ്,സാബിത്ത്  അടിവാരം,അബൂബക്കർ മുഈനി,മിദ്ലാജ് മുഈനി,റാഷിദ്,സി എം മുഹമ്മദ് മാലിക് ലത്തീഫി,ഹാഫിള് സി എം  മുഹമ്മദ് മുഹ്താർ മൗലിദിന്ന് നേതൃത്വം നൽകി.സമാപന പ്രാർത്ഥന സയ്യിദ് മുഹമ്മദലി ശിഹാബ് തങ്ങൾ തളീക്കര  നിർവ്വഹിച്ചു.

ഇന്ന് രാവിലെ 10 മണിക്ക് നടക്കുന്ന ഖാദിരിയ്യാ റാത്തീബിന് സയ്യിദ് മുദ്ദസിർ തങ്ങൾ പൂനൂർ നേതൃത്വം നൽകും .ളുഹർ നമസ്കാരാനന്തരം നടക്കുന്ന ജലാലിയ്യ റാത്തീബിന് ചെറിയ മോൻ കായലം സംബന്ധിക്കും.സയ്യിദ് കുഞ്ഞി സീതി കോയ തങ്ങൾ കോയിലാട്ട്,സയ്യിദ് മുശയ്യഖ്തങ്ങൾ എന്നിവരുടെ സാന്നിധ്യത്തിൽ അസറിന്ന് ശേഷം രിഫാഈയ്യ റാത്തീബ് നടക്കും. രാത്രി നടക്കുന്ന ശാദുലി ഹൽഖക്ക് സയ്യിദ് സുഹൈൽ അസഖാഫ് മടക്കര,ലത്തീഫ് സഖാഫി മമ്പുറം,സിപി ഷാഫി സഖാഫി നേതൃത്വം നൽകും.മഹാനവർകളുടെ വഫാത്ത് ദിവസമായ നാളെ രാവിലെ ഏഴുമണിക്ക് ബുർദ മജ്ലിസ് ആരംഭിക്കും.വഫാത്ത് സമയമായ  9.20 ന്ന് സയ്യിദ് ജലാലുദ്ദീൻ ജീലാനി വൈലത്തൂർ പതാക ഉയർത്തും.തുടർന്ന് നടക്കുന്ന ദിക്ർ ദുആ ആത്മീയ മജ്‌ലിസിന്ന് റഈസുൽ ഉലമ ഇ.സുലൈമാൻ മുസ്ലിയാർ,സുൽത്താനുൽ ഉലമ കാന്തപുരം എ പി അബൂബക്കർ മുസ്‌ലിയാർ,സയ്യിദ് ഷറഫുദ്ദീൻ ജമലുല്ലൈലി തങ്ങൾ,കെ കെ അഹമ്മദ് കുട്ടി മുസ്ലിയാർ കട്ടിപ്പാറ,സി മുഹമ്മദ് ഫൈസി, പകര മുഹമ്മദ് അഹ്സനി,ഡോ : ഹുസൈൻ സഖാഫി ചുള്ളിക്കോട്,ഡോ: അബ്ദുൽ ഹക്കീം അസ്ഹരി,യുകെ അബ്ദുൽ മജീദ് മുസ്ലിയാർ,ഡേ:ദേവർശോല അബ്ദുസ്സലാം മുസ്‌ലിയാർ,സുലൈമാൻ സഖാഫി മാളിയേക്കൽ,ടി കെ അബ്ദുറഹ്മാൻ ബാഖവി,ബഷീർ ഫൈസി വണ്ണക്കോട് തുടങ്ങിയ പ്രമുഖർ പങ്കെടുക്കും. രാവിലെ 9.30 മുതൽ വൈകുന്നേരം 3 മണി വരെ അന്നദാനം നടക്കും. സയ്യിദ് ശിഹാബുദ്ദീൻ അഹ്ദൽ  മുത്തന്നൂർ തങ്ങളുടെ പ്രാർത്ഥനയോടെ പരിപാടി സമാപിക്കും.

മീഡിയ വേൾഡ് ന്യൂസ് കോഴിക്കോട്