നടി സിന്ധു വിന്റെ ജീവിതത്തിൽ വന്ന കഥ അറിയണ്ടേ

mediaworldlive news Kozhikode 

കൊച്ചി: 

സീരിയൽ നടി സിന്ധു വിന്റെ ജീവിതത്തിൽ കടന്നു വന്ന യദാർത്ഥ ജീവിതകഥ യിലേക്ക് നമുക്ക് ഒന്ന് യാത്ര ചെയ്യാം 

മിനിസ്ക്രീന്‍ പ്രേക്ഷകര്‍ക്ക് സുപരിചിതയായ നടിയാണ് സിന്ധു ശിവസൂര്യ. സ്നേഹസീമ, കുടുംബവിളക്ക് തുടങ്ങി നിരവധി പരമ്ബകളില്‍ അഭിനയിച്ചിട്ടുള്ള താരം ഇപ്പോള്‍ മഞ്ഞില്‍ വിരിഞ്ഞ പൂവ്, കളിവീട് തുടങ്ങിയ പരമ്പരകളില്‍ അഭിനയിച്ച്‌ വരികയാണ് ഇപ്പോള്‍.

മിനിസ്‌ക്രീനില്‍ സജീവ സാന്നിധ്യമാണെങ്കിലും താരത്തിന്റെ വ്യക്തി ജീവിതത്തിലെ പല കാര്യങ്ങളും പ്രേക്ഷകര്‍ക്ക് അത്ര അറിവുള്ളതല്ല. അമ്മയുടെ മരണം, സ്നേഹിച്ചു വിവാഹം കഴിച്ച ആദ്യ ഭര്‍ത്താവിന്റെ മരണം, രണ്ടാം വിവാഹം എന്നിങ്ങനെ പലതും സിന്ധുവിന്റെ ജീവിതത്തില്‍ സംഭവിച്ചിരുന്നു.

ഇപ്പോഴിതാ, അതേക്കുറിച്ചൊക്കെ സംസാരിച്ചിരിക്കുകയാണ് സിന്ധു. ഫ്‌ളവേഴ്‌സ് ടിവിയിലെ ഒരു കോടിയില്‍ അതിഥിയായി എത്തിയപ്പോഴാണ് താരം ഇക്കാര്യം പറഞ്ഞത്. ഒരു ആല്‍ബം ഷൂട്ടിനിടയിലാണ് ആദ്യ ഭര്‍ത്താവിനെ കാണുന്നത്. ആദ്യ കാഴ്ചയില്‍ തന്നെ ഇഷ്ടം തോന്നിയ അദ്ദേഹം വീട്ടില്‍ വന്ന് ചോദിച്ചു. എന്നാല്‍ വീട്ടുകാര്‍ എതിര്‍ത്തു. അതുകഴിഞ്ഞ് ഒരു വര്‍ഷം കഴിഞ്ഞ് സിന്ധുവിന്റെ അമ്മച്ചിയും മരിച്ചു. അമ്മ മരിച്ചതോടെ പിന്നീട് ബന്ധുക്കള്‍ ചേര്‍ന്ന് സിന്ധുവിന്റെ ആഗ്രഹ പ്രകാരം അദ്ദേഹവുമായി വിവാഹം കഴിപ്പിക്കുകയായിരുന്നു.

അന്ന് 26 വയസായിരുന്നു പ്രായമെന്ന് സിന്ധു ഓര്‍ക്കുന്നു. ഭര്‍ത്താവിന് നല്ല സ്‌നേഹമായിരുന്നു. പക്ഷെ അദ്ദേഹത്തിന്റെ അച്ഛനും അമ്മയ്ക്കും എന്നെ ഉള്‍ക്കൊള്ളാനാവുന്നുണ്ടായിരുന്നില്ല. ആദ്യം വലിയ കാര്യമായിരുന്നു. പിന്നെ പ്രശ്‌നങ്ങളായി. ഞങ്ങള്‍ സംസാരിക്കുന്നതോ, പുറത്തേക്ക് പോവുന്നതോ ഒന്നും ഇഷ്ടമില്ലായിരുന്നു. അമ്മയ്ക്ക് എല്ലാവരെയും സംശയമായിരുന്നുവെന്നും സിന്ധു പറയുന്നു.

ഭര്‍ത്താവിന് സാമ്ബത്തിക പ്രശ്‌നങ്ങളുണ്ടായിരുന്നു. ഒരു എക്‌സ്‌പോര്‍ട്ടിംഗ് കമ്ബനി തുടങ്ങി പുള്ളി സാമ്ബത്തിക പ്രതിസന്ധിയിലായി. അതിനിടയ്ക്ക് മഞ്ഞപ്പിത്തം വന്നായിരുന്നു അദ്ദേഹത്തിന്റെ മരണം. ഭര്‍ത്താവിന്റെ മരണം തികച്ചും അപ്രതീക്ഷിതമായിരുന്നു. എല്ലാ കാര്യങ്ങളും ചെയ്തിരുന്നത് ഭര്‍ത്താവായിരുന്നു. സീറോയില്‍ നില്‍ക്കുന്ന അവസ്ഥയായിരുന്നു. ആ അദ്ദേഹത്തിന്റെ അച്ഛനും അമ്മയും വലിയ സ്‌നേഹം കാണിക്കുന്നുണ്ടായിരുന്നു.

അതുകാരണം സ്വന്തം വീട്ടുകാര്‍ വീട്ടിലേക്ക് വിളിച്ചപ്പോള്‍ പോയില്ല. എന്നാല്‍ ഭര്‍ത്താവിന്റെ എല്‍ഐസി പൈസ കിട്ടാന്‍ വേണ്ടിയായിരുന്നു അവര്‍ എന്നെ പിടിച്ച്‌ നിര്‍ത്തിയത്. അതിന് ശേഷം തന്നെ ഇരിക്കിവിട്ടെന്നും സിന്ധു പറയുന്നു. ആ സമയത്താണ് ശിവ സൂര്യ ചേട്ടനെ പരിചയപ്പെടുന്നത്. ചേട്ടന്‍ മരിച്ച സമയത്ത് ഇദ്ദേഹം വന്നിരുന്നു, എന്താവശ്യമുണ്ടെങ്കിലും വിളിക്കണം എന്ന് പറഞ്ഞിട്ടാണ് പോയത്. ആവശ്യങ്ങളുണ്ടോ എന്നന്വേഷിച്ച്‌ വിളിക്കുമായിരുന്നുവെന്നും സിന്ധു പറയുന്നു.

ആ സമയത്ത് സീരിയലില്‍ നിന്ന് മോശം അനുഭവങ്ങള്‍ ഉണ്ടായി. ആരുമില്ലാതെ ഇരുന്നപ്പോള്‍ ചേട്ടന്റെ അമ്മയും ചേട്ടനുമാണ് നിങ്ങള്‍ക്ക് കല്യാണം കഴിച്ചൂടേ എന്ന് ചോദിക്കുന്നത്. അങ്ങനെയാണ് വിവാഹം കഴിക്കുന്നത്. ഇപ്പോള്‍ 9 വര്‍ഷമായി. ഈ ബന്ധം അധികം പോവില്ലെന്നായിരുന്നു ചിലരൊക്കെ പറഞ്ഞത്. അങ്ങനെ പറഞ്ഞവരില്‍ പലരും ഇന്ന് ഡിവോഴ്‌സാണ്. ശിവ പ്രശ്‌നക്കാരനാണ്, മദ്യപിക്കും, സ്ത്രീ വിഷയത്തില്‍ തല്‍പരനാണ് എന്നൊക്കെയാണ് പറഞ്ഞതെന്ന് സിന്ധു ആരാധകരെ അറിയിച്ചത്   

മീഡിയ വേൾഡ് ന്യൂസ് കൊച്ചി