മൂല്യവർദ്ധനമേഖലയിൽ 1000 കൃഷിക്കൂട്ടങ്ങളുടേയും സേവനമേഖലയിൽ 200 കൃഷിക്കൂട്ടങ്ങളുടേയും സംസ്ഥാനതല പ്രവർത്തന ഉദ്ഘാടനം ഇന്ന് (16.05.2023) പെരിന്തൽമണ്ണയിൽ

തിരുവനന്തപുരം:

15/05/23

കേരള സർക്കാറിന്റെ മൂന്നാം നൂറുദിന പദ്ധതികളുടെ ഭാഗമായി  മൂല്യവർദ്ധനമേഖലയിലെ 1000 കൃഷിക്കൂട്ടങ്ങളുടേയും സേവനമേഖലയിലെ 200 യന്ത്രവൽകൃത കൃഷിക്കൂട്ടങ്ങളുടേയും സംസ്ഥാനതല പ്രവർത്തന ഉദ്ഘാടനം മലപ്പുറം ജില്ലയിലെ പെരിന്തൽമണ്ണ ഷിഫ കൺവെൻഷൻ സെന്ററിൽ വച്ച് മുഖ്യമന്ത്രി പിണറായി വിജയൻ ഇന്ന് (16.05.2023) നിർവ്വഹിക്കും. കൃഷി വകുപ്പ് മന്ത്രി  പി.പ്രസാദ് പരിപാടിയുടെ അധ്യക്ഷത വഹിക്കും. കായിക, ന്യൂനപക്ഷ ക്ഷേമ, ഹജ്ജ് വഖഫ് വകുപ്പ് മന്ത്രി വി. അബ്ദുറഹിമാൻ ഉത്പന്ന പ്രദർശനം ഉദ്ഘാടനം നിർവ്വഹിക്കും . പെരിന്തൽമണ്ണ എം.എൽ.എ. നജീബ് കാന്തപുരം, എം.പിമാരായ ഡോ. എം.പി. അബ്ദുസമദ് സമദാനി, ഇ ടി മുഹമ്മദ് ബഷീർ എന്നിവർ മുഖ്യ അതിഥികളാകും. പരിപാടിയോടനുബന്ധിച്ച് മൂല്യവർദ്ധിത ഉത്പന്ന പ്രദർശന മേളയും കാർഷിക സെമിനാറും ഉണ്ടായിരിക്കും.

പ്രിൻസിപ്പൽ ഇൻഫർമേഷൻ ഓഫിസർ 

ഫാം ഇൻഫർമേഷൻ ബ്യുറോ 

മീഡിയ വേൾഡ് ന്യൂസ് തിരുവനന്തപുരം