ട്രെയിൻ യാത്രക്കാർക്ക് സന്തോഷ വാർത്ത

mediaworldlive news Kozhikode 

ഡെൽഹി: 

07/06/23

ഇനി മുതൽ റെയിൽവേ ടിക്കറ്റ് റിസർവേഷൻ ചെയ്ത യാത്രക്കാർക്ക് നാൽപ്പത്തി എട്ട് മണിക്കൂറിനുള്ളിൽ ടിക്കറ്റ് റദ്ദാക്കാതെ തിയ്യതി മാറ്റിയാത്ര ചെയ്യാം 

ട്രെയിൻ ടിക്കറ്റ് റദ്ദാക്കാതെ തന്നെ ഒരു വ്യക്തിക്ക് ഇനി യാത്ര തീയതിയില്‍ മാറ്റം വരുത്താം. ഏറ്റവും മികച്ച കാര്യം എന്താണെന്നാല്‍ ഇങ്ങനെ തീയതിയില്‍ മാറ്റം വരുത്തുന്നതിന് അധിക പണം നല്‍കേണ്ടതില്ല എന്നതാണ്. 

ട്രെയിൻ ടിക്കറ്റ് മുൻകൂട്ടി ബുക്ക് ചെയ്താലും പലപ്പോഴും യാത്ര തീയതികളില്‍ മാറ്റം വന്നേക്കാം. ഈ സാഹചര്യങ്ങളില്‍ സാധാരണയായി ടിക്കറ്റ് റദ്ദാക്കിയ ശേഷം പുതിയ ടിക്കറ്റ് എടുക്കുകയായിരുന്നു ചെയ്യേണ്ടത്. അങ്ങനെ വരുമ്ബോള്‍ ടിക്കറ്റ് റദ്ദാക്കിയ ചാര്‍ജ് നല്‍കേണ്ടി വരും. ഇതില്‍ ഇപ്പോള്‍ മാറ്റം വരുത്തിയിരിക്കുകയാണ് ഇന്ത്യൻ റയില്‍വേ. 

ടിക്കറ്റ് ക്യാൻസലേഷൻ ആവശ്യമില്ലാതെ തന്നെ നിങ്ങളുടെ ടിക്കറ്റിന്റെ യാത്രാ സമയം പരിഷ്കരിക്കാനുള്ള ഓപ്ഷൻ നിങ്ങള്‍ക്കുണ്ട്. ഇതിനായി ട്രെയിൻ പുറപ്പെടുന്നതിന് ഏകദേശം 48 മണിക്കൂര്‍ മുമ്ബ് റിസര്‍വേഷൻ കൗണ്ടറില്‍ നിങ്ങളുടെ സ്ഥിരീകരിച്ച ടിക്കറ്റ് സറണ്ടര്‍ ചെയ്താല്‍ മതിയാകും.

ഒരിക്കല്‍ ടിക്കറ്റ് സമര്‍പ്പിച്ചുകഴിഞ്ഞാല്‍, ഒരു പുതിയ യാത്രാ തീയതിയ്ക്കായി അപേക്ഷിക്കാം. കൂടാതെ, യാത്രക്കാരൻ ആഗ്രഹിക്കുന്നുവെങ്കില്‍, ടിക്കറ്റ് ഉയര്‍ന്ന ക്ലാസിലേക്ക് അപ്ഗ്രേഡ് ചെയ്യാനുള്ള അവസരമുണ്ട്. അപേക്ഷ ലഭിച്ചാല്‍, ഇന്ത്യൻ റെയില്‍വേ യാത്രാ തീയതിയിലും ക്ലാസിലും ആവശ്യമായ മാറ്റങ്ങള്‍ വരുത്തും.

തീയതി മാറ്റുന്നതിന് അധിക നിരക്ക് ഈടാക്കില്ല. എന്നാല്‍ ക്ലാസ് മാറ്റാൻ അപേക്ഷിച്ചിട്ടുണ്ടെങ്കില്‍ അതിന് എത്ര നിരക്ക് വരുന്നുവോ അത് ഈടാക്കും. അതായത് ഉയര്‍ന്ന ക്ലാസ് തിരഞ്ഞെടുക്കുമ്ബോള്‍ നിരക്ക് ഉയരാൻ സാധ്യതയുണ്ട്. ഐആര്സിടിസിയുടെ സൗകര്യപ്രദമായ നടപടിക്രമം ഉപയോഗിച്ച്‌, ഇനി മുതല്‍ യാത്രാ പദ്ധതികളില്‍ മാറ്റം വരുത്തുന്നത് തടസ്സരഹിതമാകും.

മീഡിയ വേൾഡ് ന്യൂസ് ന്യൂഡൽഹി