mediaworldlive news Kozhikode
കോഴിക്കോട്:
എലത്തൂർ സ്റ്റേഷൻ പരിധിയിൽ വെച്ച് ട്രെയിനിൽ ഉണ്ടായ തീകൊളുത്തിയ സംഭവം ദുഃഖകമെന്ന് കാന്തപുരം എ. പി. അബൂബക്കർ മുസ്ലിയാർ
സമഗ്രാന്വേഷണം നടത്തി കുറ്റവാളികളെ നിയമത്തിന് മുന്നില് കൊണ്ടുവരണം. പൊതുജനങ്ങള് ഏറ്റവും കൂടുതല് ആശ്രയിക്കുന്ന യാത്രമാര്ഗമാണിത്. അവരുടെ സുരക്ഷ ഉറപ്പാക്കാന് ഭരണ സംവിധാനം അടിയന്തര നടപടികള് സ്വീകരിക്കണമെന്നും അദ്ദേഹം ഫേസ്ബുക്കില് കുറിച്ചു.
കാന്തപുരം എപി അബൂബക്കര് മുസ്ലിയാരുടെ കുറിപ്പിന്റെ പൂര്ണ്ണരൂപം
എലത്തൂരില് ട്രെയിനിലുണ്ടായ അക്രമസംഭവം ഏറെ ദുഃഖകരമാണ്. സമഗ്രമായ അന്വേഷണം നടത്തി കുറ്റവാളികളെ നിയമത്തിന് മുന്നില് കൊണ്ടുവരണം.
യാത്രക്കാരുടെ സുരക്ഷ ഉറപ്പാക്കാന് ഭരണസംവിധാനങ്ങള് കൂടുതല് ജാഗ്രത പുലര്ത്തേണ്ടതുണ്ട്. പൊതുജനങ്ങള് ഏറ്റവും കൂടുതല് ആശ്രയിക്കുന്ന യാത്രാ സംവിധാനം എന്നനിലയില് ജനങ്ങള്ക്ക് ഭയാശങ്കയില്ലാതെ യാത്രചെയ്യാന് ഇക്കാര്യത്തില് അടിയന്തര നടപടിയുണ്ടാവേണ്ടതാണ്.
അക്രമത്തെ തുടര്ന്നുള്ള സംഭവവികാസങ്ങളില് പിഞ്ചുകുഞ്ഞടക്കം മൂന്നു പേരാണ് മരണപ്പെട്ടത്. മര്കസ് സീക്യൂ പ്രീ സ്കൂള് അധ്യാപികയുടെ മകളും സഹോദരിയും അതിലുള്പ്പെടും. ആകസ്മികമായുണ്ടായ അപകടത്തില് കുടുംബാംഗങ്ങളുടെ ദുഃഖത്തില് പങ്കുചേരുന്നു. പരുക്കേറ്റ് ആശുപത്രിയില് കഴിയുന്നവര് എത്രയും വേഗം സൗഖ്യം പ്രാപിക്കട്ടെയെന്ന് പ്രാര്ത്ഥിക്കുന്നു. മരണപ്പെട്ടവരുടെ പരലോക ജീവിതം അല്ലാഹു സന്തോഷത്തിലാക്കുകയും കുടുംബത്തിന് ക്ഷമ നല്കുകയും ചെയ്യട്ടെ.
എന്ന് അദ്ദേഹം ദുഃഖം രേഖപ്പെടുത്തി
മീഡിയ വേൾഡ് ലൈവ് ന്യൂസ് കോഴിക്കോട്
0 Comments